 |
| 相片連結 |
今日又落雨, 還好琴日天氣好好, 無打亂3隻豬同朋友仔嘅約會, 真係好多謝老天爺眷顧; 琴日不但無落過雨, 仲好好風, 一路行都好舒服, 不過波波好曳, 喺車仔上面係咁嘈!
近來波波鍾意做甩繩馬騮, 總之唔係比佢自由行, 佢就嘈嘈敝, 如果唔遇到其他狗狗, 拖住佢行都無所謂, 否則就離唔開撲同吠喇, 真係曳曳; 近來佢仲變本加厲, 即使無見狗狗, 坐住車仔都唔LIKE!
 |
| 定住身體望到實 |
今次約好V做個實驗, 睇吓佢上繩後會唔會撲朋友仔, 畢竟近來每星期都keep住比佢哋一齊, 唔算係陌生狗狗, 但我哋都做個保險, 無一開始就比佢哋走埋一齊.
 |
| 衝前撲向朋友仔大聲吠 |
我放繩比波波跑咗一輪等佢先熱身, 然後再上繩; V就帶上咗繩嘅B仔B女喺遠處兩頭遊, 等波波練習吓遠距離望向朋友!
明顯一上繩後波波表現緊張, 定住身體向住遠處望到實, 但因為距離遠佢無撲無吠, 淨係眼瞪瞪; 之後V慢慢行近, 波波就衝前開始發癲, 撲向朋友仔大聲咁吠 :(
唉! 點解會咁?
 |
| 有做安定訊號 |
V即時拖開狗狗再將距離適當拉開, 然後拖住狗狗喺我哋面前重覆來回多次; 我就拖住波波企埋一邊, 等波波望到朋友仔; 今次波波無咁緊張, 無再吠; 但明顯佢有做安定訊號, 撇頭, 舔脷同轉身!
 |
| 將距離適當再拉開，我拖住波波企埋一邊 |
然後練習告一段落, 大家將拖繩放開, 波波即時放鬆好多, 無再繃緊身體!
 |
| 傻豬達達做乜跟住行 :) |
任由佢哋自由活動無問題, 只要無束縛住個仔, 佢無攻擊行為;因為佢有留守自主權, 可以自主控制!
不過波波同B仔B女都唔係屬於熱情嘅狗狗, 都係鍾意跟住媽媽; 反而達達性格最獨立, 佢會行嚟行去, 一時跟住朋友仔, 一時又走番埋嚟 :)
 |
| 係達達投緣還是性格改變? 佢無抗拒B仔 :) |
下次約會呢會唔會有突破嘅進步? 已經約會咗好幾次, 都唔覺佢哋鍾意玩埋一齊, 對於兩方面都係慢熱嘅狗狗, 真係唔易話為, 反而達達都仲可以交流到朋友仔！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
