 |
| 相片連結 |
今日又約會朋友仔, 天氣好好, 無落雨太陽唔算太大, 太陽伯伯一定好鼓勵3隻豬有D社交!
琴日無出去, 唔知點解波波同達達都先後嘔番晒D食物出嚟; 琴日係食排毒餐, 兩隻豬同時嘔吐, 我第一時間懷疑係咪D食物出咗問題啦; 不過理論上應該無可能壞, 因為所有材料都係早上蒸熟, 而達達嘔嘅時候只係食咗第一餐, 到波波下午都嘔, 我就開始拎D食物檢查喇; 但食物無問題, 我試過無壞, 而且豆b都無事, 應該係個別問題, 兩隻一齊嘔應該都係咁啱!
我懷疑達達食得太急, 波波食得太多喇; 無論咩理由, 嘔過就停咗唔比佢哋食晚餐, 到隔開耐D開礶腸胃人參雞湯比佢哋飲少少啦!
諗住今日都出去, 琴晚就由佢哋休息一日, 再觀察!
今日3隻豬精神好好, 一切回復正常狀態, 比佢哋食完午餐, 休息一個鐘就坐車仔出發!
沿路都要擔遮, 都好曬; 我就遮住班皇帝仔, 工人姐姐同我share一把傘!
今日波波心情好差, 非常暴燥, 係咁多次同朋友仔會面表現最差嘅一次, 無上繩都又撲又吠!
我真係唔明, 究竟係有咩觸發佢嘅神經, 還好後來佢無咁曳喇!
但佢都係情緒有D異常, 成日坐低, 呢個訊號話比我聽佢係緊張:(
我希望今日係特發性失準啦, 可能太大風令佢唔舒服..... 無論點仲有個多星期就去驗血喇, 睇睇係咪甲狀腺出問題, 影響咗佢情緒啦!
真係要讚吓達達, 每一次出去都有新驚喜, 佢已經無晒緊張; 佢會好自然咁尿尿, V今日帶咗水兜落嚟佢竟然會去飲水:D
豆b都好乖, 平日喺屋企佢都唔多飲水, 今日好似櫬高興咁, 果真係隔離飯招香呀!
 |
| 婆婆與豆b |
今日遇度到一個婆婆同一個叔叔落嚟乘涼, 豆b又做親善大使去social吓, 達達都過去八一餐, 達達真係改變太多喇!
婆婆都好鍾意佢哋, 老人家可能都較寂寞啦, 見婆婆摸豆b嗰下, 令我諗起我媽媽, 當日佢都係咁摸叻叻㗎!
如果佢仲在生, 佢一定好鍚豆b啦, 當日叻叻都係咁善解人意㗎!
 |
| 個叔叔淨係望住達達, 唔理豆B㗎！ |
個叔叔就淨係望住達達啦, 佢話最鍾意達達, 話佢唔似一隻真狗狗, 好似人家畫嘅圖畫, 仲話天冷攬住佢一定好暖啊 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
