 |
| 相片連結 |
個腦detect唔到張memory card, 影咗相都無得放上網, 好似打亂晒我寫blog嘅正常程序; 要我齋寫無相唔習慣, 非常無奈!
琴日又同朋友仔有約, 都有影相, 今次要阿女幫手, 將D相放落memory stick比我, 好麻煩 :(
但無咗相片點綴支持, 我連寫都好似無晒興趣, 原來一個行為成為咗習慣, 要改變好難!
咁就明白到點解教狗狗一個行為, 要不斷重覆, 等佢養成習慣喇 :)
呢兩日都有落雨, 以為3隻豬唔可以約會朋友仔, 但到咗約定時間, 天氣放晴, 每次天公都幫3隻豬!
雖然到達目的地, 因為落過雨, 部份地下有一凼凼水, 但勝在好風, 初段時間都無雨.
3隻豬表現都ok, 尤其係波波, 今次好冷靜, 留意到佢一路有做安定訊號, 好叻仔, 仲一直都無吠過; 雖然同朋友仔無乜交流, 但就全無惡意, 仲識繞半圈行去朋友仔身邊, 同第一次見面比較, 我好滿意!
達達今次都比上次好, 少咗寄養公主, 佢好似信心多D, 上次跨唔過嘅地方, 今日就難唔到佢, 跑嚟跑去仲跳起, 達達豬真係好得意 :)
豆b都係一貫狀態啦, 行嚟行去, 時而走遠, 時而埋堆; 行得急都會喘吓氣, 但好快又無事.
今次幾隻狗狗比較少互動, 都係各自各行嚟行去, 但氣氛係好relaxed. 之後突然又落雨, 我哋避埋有上蓋嘅地方, 繼續比佢哋認識多D, 希望佢哋再熟絡D日後會玩埋一堆啦 :)
下次約會要做個實驗, 朋友仔同3隻豬都要上繩, 要睇吓波波上繩後見到朋友仔, 唔係陌生嘅狗狗, 會唔會又撲又吠 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
