 |
| 我都希望有支槍打低佢......但無咗佢仲死 :( |
係時候要換新電腦!
發覺部電腦有毛病, 先前轉咗broadband, 已經攪到我一額汗, 以為係上網連線問題; 但一路落嚟, 問題續步浮現, 最慘係影咗相都唔可以睇 :(
琴日放咗張memory card落腦, 發覺read唔到, 估係內置嘅card reader出咗問題, 今日去買個外置嘅card reader, 諗住未換好腦之前都可以睇嘛, 點知都係廢 :'(
已經習慣咗寫blog有相片支持, 比較單用文字來得生鬼, 我描寫又唔係特別生動, 無咗相片自己都唔想睇; 仲有一部份朋友, 佢哋會日日click入嚟, 佢哋好坦白同我講, 話唔一定會睇我寫咩內容, 但一定會睇我D豬仔!
依家無咗D相, 要暫時收檔?? :)
唔知係幾時開始, 生活好似依靠咗上網, 大小事情分享, 無咗個腦好似殘廢; 無論醫療方面尋求幫助, 或是姐姐買餸都要靠張圖片幫忙, 依家咁情況真係綁手綁腳, 好唔妥當!
琴晚開始放棄同個腦糾纏落去, 回復好耐之前嘅生活習慣, 開始睇書!
太沉迷一樣嘢都係一種病態, 一失去好似整個生活都被擾亂, 風雲變色, 真係好死!
不過, 都係要快D解決;) 無咗豬仔D相真係好唔習慣; 最衰自己係電腦白痴, 淨係識坐享其成, 完全唔知自己需要咩嘢裝備 :(
希望阿女快D得閒幫我攪攪佢!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
