 |
| 相片連結 |
琴晚食完晚飯又落平台, 推住車仔行咗一陣, 其實真係幾舒服幾enjoyed㗎; 平台好好風, 3隻豬一定唔怕中暑喇!
行咗一陣發覺好似係我運動, 佢哋淨係用對眼運動咋!
一於試吓同佢哋行出街, 如果好彩無狗狗就可以比佢哋落地行吓!
行出外面, 好幸運無見到狗狗, 快快先放波波啦, 隻豬仔一落哋就向前跑, 好開心啊; 但我就睇住時間啦, 可能都仲係晚飯時間, 其他人未出動, 再過一陣就係放狗嘅高峰時間喇!
唔可以淨係波波行, 達達快變肥妹仔喇, 放番波波上車比達達行; 然後到豆b, 已經有狗狗出動, 雖然其他狗狗對豆b無威脅, 但波波喺車上都鬼煞咁嘈, 急急腳走人喇!
行咗好少時間, 好似意猶未盡, 雖然天都黑晒, 但其實仲好早嘛, 番上樓前喺平台再行多一陣間！
之前中午落街, 吼準午飯時間, 無人無狗; 依家一於照辦主換, 就爭取人家晚飯時間出動, 為咗3隻豬有得去街街, 一於全家配合早D食飯, 唔可以唔同佢哋運動, 唔出去行!
我哋屋企真係狗狗大晒 :）
