 |
| 相片連結 |
明日就到端午節, 10日前已經叫工人姐姐去買糭葉, 但一直都買唔到番嚟, 佢話街巿見唔到有糭葉!? 咁今年幾隻豬都無得食糭?
夲來都想親自出馬去街巿搵吓, 無理由街巿無材料for 包糭啦, 但呢排個電腦攪到我一頭煙, 一時detect唔到張memory card, 一時又連唔到線, 我D生活習慣亂晒龍, 我無晒心機諗其他啦, 無得上網upload睇相, 又無得寫blog嘛!
老公笑我咁緊張, 又唔係要出書, 唔使咁趕; 我無咁叻可以出書, 但呢個係一個精神記託, 我好enjoyed嘛!
好啦到換咗部新腦, 又要摸一大輪, 我呢D電腦白痴, 仲要花時間去認番D嘢去咗邊度; 我浄係識死人尋舊路嘛, 淨係咁我就咩都唔使再做喇!
決定今年唔包糭比3隻豬喇, 夲來就有D心大心細, 今年都無可能叫佢哋排排坐食糭糭, 已經失去咗圍埋一齊過節嘅意義, 近排分開佢哋食嘢無打交, 感覺佢哋無咁緊張, 面部表情放鬆咗, 我唔想功虧一簣浪費咗近來嘅努力, 好似天意叫我唔好攪喇, 比多D時間佢哋減壓, 希望可以一齊排排坐食月餅過中秋啦!
點知工人姐姐就嚟同我玩! 今日佢竟然買咗糭葉番嚟, 但我咩都無準備嘛, 咁點辦?
無糭葉就話唔包啦, 見到糭葉就唔想放棄嘛; 怱怱忙忙就地取材, 包幾隻咁多啦! 本來糭葉要泡浸過夜先唔易咧開同咁易爛, 但依家無時間, 唯有放大鑊水去烚一段時間!
今次包咗幾隻杞子南瓜雞肉糭, 再是旦影張相算喇 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
