裝咗新電腦, 今次要用Window 7, 同之前用開嘅有好多嘢都不相容, 部份用開嘅嘢裝唔番, 真係慘!
阿女同我攪咗好幾個鐘都未掂, 浄係將部舊腦D嘢執番落部新機, 都有排攪, 阿女話我又唔係在職人仕, 乜得我儲埋D嘢多得咁交關 :p
對我呢個盲摸摸嘅電腦白痴, 要應付一個新機真係一個極大挑戰, 預期都有段時間甩甩漏漏, 雖然唔係番工做文件, 但唔可以熟絡流暢咁去做慣常嘅嘢, 都係囉囉攣!
其實我真係好怕用新嘢, 又要從頭適應, 話之佢日新月異, 新比舊嘅要好幾多, 在我嚟講, 如果有得選擇, 我都唔鍾意新鮮!
阿女話無得選, 一定要與時並進, 大步踏前, 唉!
我根夲係老古董嘛, 咁點算!
多謝阿女送部電腦比我, 仲要花好多時間同我裝番D軟件, 我都知我又心急又奄尖 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
