琴日又係3隻豬嘅bathing day, 一起身我食完早餐就開始, 3隻豬從清潔眼,耳, 口仔; 到沖涼修毛剪指甲, 一日時間就咁過去; 琴日要敷扶養泥, 咁又攪耐D, 真係邊度都唔使去喇!
每次沖涼大家都攰CC, 還好都係每兩星期一次 :)
沖完涼3隻豬晚飯後大覺瞓, 我仲有大把嘢跟手尾 :(
呢幾日都係比3隻豬喺平台遊車河, 天氣真係太熱, 無論我晨早或傍晚出動, 行唔夠5分鐘我就要走頭; 天氣熱到真係難忍受, 又無風, 成個熱浪將你緊緊罩住, 我都話出一身汗叫做散吓熱, 我真係驚3隻豬會中暑!
連工人姐姐都話香港好熱, 菲律賓氣溫高都無咁熱, 因為好多trees喎 :)
天時暑熱, 都要提醒大家, 唔好留低狗狗喺車度呀, 真係可以將佢哋器官都烤熟架!
唔知點解平台上又好好風, 可惜呢度唔可以比佢哋任意走動, 不過出過去遊吓車河都算OK啦; 期望下次約會朋友仔, 嗰個平台又好風又可以比佢哋隨意嬉戲!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
