今日一早就掛起紅雨, 雨落到好大, 希望傍晚可以同3隻豬落吓街啦; 近日天氣多數都壞, 同佢哋出去真係少咗喇, 唔係落大雨就好猛太陽曬; 天氣咁熱都唔敢出去咁耐, 自己都身水身汗, 佢哋著住皮草怕佢哋散熱困難, 都再唔敢中午出去喇, 傍晚時又較多狗狗, 要通處揾地方避開, 好慘!
唯有盡可能食完晚飯都帶佢哋坐車落平台兜一轉, 一來避開太多狗狗, 二來都叫做有出過去, 唔使整日屈喺屋企咁可憐, 自己又可以食完晚飯散吓步, 都不失為一個好嘅選擇啦!
不過都唔可以步行太少, 達達豬甩毛時自動減磅, 依家就係咁增加! 雖然都仲喺正常水平下, 但摸落去都有D肉肉喇, 再唔keep住過重先嚟減就好難, 真係需要運動吓喇!
早前波波心情唔好還是有其他因素, 佢都減咗磅, 還好調較飲食後佢都肥番, 摸住佢實的的嘅身體好有成就感呀 :)
報導一下3隻豬嘅體重先, 以佢哋嘅骨架結構, 依家真係幾fit㗎!
波波: 1.856kg 達達: 1.660 kg 豆豆: 1.644kg
不過要keep住真係難, 繼續咁食又怕增磅太多, "肥"對身體各方面都有害無益嘛, 尤其係達達關節較差, 唔可以負荷過多㗎, 要保住佢膝關節啦!
講起關節問題, 最近又同佢換咗隻關節補充品,主要都係nem成份, 有feedback話對氣管軟骨都有幫助,因有氣管下塌嘅狗狗食咗無呼吸咁差, 咁我都比豆b一齊食喇, 希望幫到氣管又幫到關節啦! 波波就繼續食番補腰仔嘅supplement, 好感恩食咗咁耐佢無再痛過喇!
Steadfast Canine Small Breed - 堅定犬 小型犬 (30 tablets)
專利的關節健康產品專門用於狗隻來 支持和維持健康的軟骨，骨，肌腱和韌帶的狗。Steadfast Canine 是一家專門為狗 特別製作獨特和全面的補充品。Steadfast 提供支持營養健康. Steadfast 含有以下 專利配方:-1. 天然蛋殼膜（NEM®）內包括葡萄糖 氨，軟骨素，透明質酸關節功能的天然來源。
2. 此外， Steadfast 犬包含一個先進複雜的礦物質（TêlaFIRM®）是鋅，銅，錳源。 TêlaFIRM支持關節的健康， 合成 重要的蛋白質的, 如膠原蛋白和角質, 生命健康的關節，骨骼，結締組織. 堅定 犬動 獨特配方，減少了正常的日常活動的影響。
STEADFAST 犬小型犬提供方便和易於使用的咀嚼片。
Active ingredients per tablet:
複雜的礦物質TêlaFIRM® 360mg
天然蛋殼膜 NEM® 100mg
鈣 Calcium (as Dicalcium Phosphate) 84mg
磷 Phosphorus 43mg
抗壞酸 Ascorbic Acid 33mg
生物素 Biotin 1mg
維他命 Vitamin D3 72IU
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
