 |
| 自己修齊少少算喇! 相片連結 |
但依家我已經心足滿意, 如果可以keep到真係再無任何嘅期盼; 雖然無之前咁長毛, 但都已經厚到亂七八糟, 好唔整齊喇, 本來應該比專業美容師修毛一次, 就唔會亂得咁交關啦, 不過真係有D驚, 事實呢身毛毛真係得來不易, 一諗起第一次甩毛後重生, 請美容師一剪之下, 就慘絕人寰 :'(
上一次甩毛之後再重生, 我無為意佢毛色嘅變化, 唔知佢靚靚毛色底下係黑毛啦; 比美容哥哥一剪之下, 剪晒面層嘅毛, 露出黑色嘅底毛, 毛質就開始越嚟越差; 我唔知會唔會係無咗面毛保護之下, 毛質極速出變化!
今次同佢沖涼, 濕身後我撥開毛毛撿查之下, 發覺同上次一樣, 都係黑毛嚟㗎, 而比上次沖涼又多咗D喇!
自己個心即刻一沉, 唉! 唯有鼓勵自己, 兵來將擋, 水來土淹啦!
今次真係唔敢輕舉妄動, 唔敢再比人剪, 寧願自己就住修吓; 一定唔可以露出D底毛啦, 咁快又來玩我真係死得喇!
 |
| 2011年8月- 甩毛後重生, 好長好厚好密, 毛質都好靚㗎! |
 |
| 比美容師一剪之下,露出黑毛, 咁就衰咗啦！ |
 |
| 同年10月已經咁差, 唔驚就假! |
我都預達豬有機會再度甩毛, 根本佢有咁基因係唔出奇㗎, 但都唔好咁快啦, 比D時間等我透透氣, 比佢開心耐D都好卦!
兩次甩毛佢都好神經質, 好唔開心自信降下, 難得近日佢有進步又咁開心, 真係唔好攪佢啦, 都係自己慢慢修齊少少, 雖然唔專業剪得唔靚, 但又唔係去比賽參選, 修少少佢舒服D我又順眼D算喇!
 |
| 2013年6月 - 毛毛無兩年前咁長, 但都好厚喇！ |
 |
| 唔修修又真係好亂吓! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
