星期日真係休息日, 工人姐姐放假, 屋企就靜晒落嚟, 雖然我好懶做家務, 無咗姐姐幫手有D唔習慣; 但我真係好享受呢一日嘅寧靜, 無咗姐姐喺度砰砰硼硼, 開住音樂感覺好歎; 3隻豬都好悠閒, 聽住音樂好舒服咁瞓覺覺!
自從有咗部新電腦, 好似好多嘢攪, 即使大部份我用開嘅嘢都已經裝番, 但用起上嚟都係仍然未習慣; 不過喺呢個重新摸索嘅階段又幾有趣, 明明有嘅嘢點解揾唔番? 到經過一輪試探, 終於揾番出嚟, 嗰種感覺好盞!
哈哈...好白癡啊, 但原來快樂係可以好簡單:)
今日係父親節, 老公都要番工, 今晚先同阿女一齊出去食飯, 不過老公都收咗佢好鍾意嘅禮物喇 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
