 |
| 準備出發驗血喇！ |
今日帶3隻豬去驗甲狀腺, 要神咁早起身, 唔係個BOOKING咁早, 係要準備3個寶貝嘅食物; 驗甲狀腺一定要服藥後4-6小時抽血, 我BOOKING係11點, 唔可以遲過7點比佢哋食藥食早餐, 又唔敢靠工人姐姐, 驗出嚟嘅報告準唔準, 時間拿捏都好關鍵, 始終都係信自己好喇!
 |
| 睇幾開心, 以為去街街啊！ |
今日老公唔得閒, 唯有帶埋姐姐一拖三, 每次抽血我都係一隻一隻帶入診症室, 唔想其餘兩隻豬望到抽血咁驚嘛; 希望我入咗去時姐姐聽話, 佢都好多次自以為是, 自把自為喇!叫咗佢由得其餘兩隻豬留喺袋, 如果有其他狗狗入嚟佢一定handle唔到波波㗎, 唉, 除咗擔心個報告, 又多樣擔心啦 :(
點知去到....姐姐話冷氣好凍呀, 要行出街, 咁就剩番我自己一個攪, 慘!!
今日除咗常規咁驗甲狀腺, 仲要同Dr.H商討下波波嘅情況啦!
我有D擔心佢身體出問題引致佢情緒壞, 本來未到期驗, 都係決定同佢做埋個full blood profile, 我唔想有事唔知, 延誤咗個黃金時間!
今日豆b打頭陣, 佢除咗瞪到眼仔大大, 都算合作啦；因為要同Dr.H詳細D睇睇波波, 所以壓到佢最後喇; 第二個輪到達達,達達入到診症室當然鬼叫啦, 姐姐話喺門口都聽到達達好嘈啊; 不過都係同以往一樣, 枝針一插入佢腳仔, 佢就唔郁喇, 聰明女嚟㗎!!
 |
| 豆b都算合作 |
 |
| 達達好叻女, 抽緊血唔郁㗎！ |
 |
| 我唔敢正面影波波, 佢驚到震晒 |
最後抽血係波波, 佢一入去就震晒, 最慘我仲要同佢驗埋全血, 要抽多D血啦, 佢一共抽左3次, 吉咗3隻脚仔啊, 陰功....真係心痛死我啦!
之後仔細聽心肺, 因為煩煩係心臟病死, 我怕佢對仔女有遺傳啦, 想睇清楚就要同佢哋照照x-ray, 但Dr.H話聽心肺正常, 無需要啦; 但豆b都係氣管差, 聽到"咯咯"聲呀！
Dr.H再睇波波肚仔皮膚, 佢話如無惡化都唔使食藥喇, 睇緊D唔好抓損引起感染, 咁唔食抗生素都唔得啦.
唔使講我梗係睇得緊啦, 我根本就係一個緊張嘅人嘛 :)
跟住拎報告喇, 都算正常, 3隻豬都係甲狀腺正常range偏高位, 但Dr.H話呢個係 4hrs post-pill嘅高峰, 慢慢會低番, 正常唔使驚呀!
波波嘅全血檢查都正常, 咁佢壞脾氣就唔關事啦, 仔呀仔你有咩不滿呀???
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
