 |
| 咁耐以來收穫最少嘅寵物展 |
今日同S&A去寵物展, 雖然早知呢個展場好細, 但上次無去灣仔嗰個, 今次好想去行行, 都希望有意外驚喜嘛!
一早上網搵資料, 希望可以搵到D眼仔補健品, 但好失望, 無我想要嘅同類產品, 亦無見到有特別嘢好想買 :(
我覺得呢個場地真係無咩好行, 但今日出門口前同3隻豬仔講,媽媽會幫你哋買好多零食番嚟, 等你哋慢慢歎, 你哋要乖乖啊!
但行嚟行去都無咩好大吸引, 又唔敢亂咁買啦, 最後都係買咗幾包風乾肉, 仲有鱉蛋粉餅乾, 都算係交差啦, 大人唔可以講過唔算數欺騙小朋友嘛!
呢個寵物展帶比我嘅收穫, 係我認識多咗眼睛嘅保健, 本來無咁積極去搵料, 因為諗住要喺寵物展入貨, 咁一定要做吓功課先!
近幾日睇過好幾隻狗狗眼仔補健品, 其中有唔錯嘅組合, 但份量頗高, 我呢3隻豬體重咁輕點分都分唔到, 要放棄! 又有D資料極模糊, 完全接受唔到, 唔敢用!
要選擇一隻保健品, 用嘅成份, 產品開發有幾認真, 都要留心,當然自己有咩需要都要清楚, 唔可以人云亦云!
今次我都搵到心儀嘅產品, 正同開發公司商討運送方法, 不過聽聞遲吓都會進注香港獸醫診所, 又姑且等等！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
