琴晚仍然一早食完晚飯，再帶3隻豬落街，我嘅策略都算OK，通常波波第一個行，係早段時間，少人帶狗出嚟，波波同我都比較自在!
到達達嗰轉，就會遇到其他狗狗，但唔算係高峯時間，達達亦無須躲避，都係各自各行； 而波波坐喺車仔，我會叫工人姐姐推開D遠離狗狗作閃避，工人姐姐跟咗我出去咁多次，都漸上軌道，識點樣遮住波波喇!
 |
| 點解每次都遇到不同松松跟住達達:) |
再輪到豆b，行一陣就到高峯時間，四方八面都有狗狗，有大有細有放繩，咁就避無可避，要急急腳返歸!
琴晚同達達散步期間，遇到M同佢隻哥基仔仔，又遇到街坊C又係一拖三，期間傾談咗一陣，叫佢要小心，有放繩狗有咬狗前科，見到情況有異要執生，一拖三遇事難免會手忙腳亂嘛!
 |
| 遇到M同佢嘅哥基仔 |
然後大家分手，我同豆b行咗一陣就返屋企，同佢哋如常清潔!
近日發覺波波皮膚好敏感，每次出完街返嚟，都發覺佢肚仔出晒紅點，第一次留意到係同朋友仔聚會後，初時我以為係有小昆蟲咬佢，因為佢都會坐落地，反正返嚟同佢清潔後，噴D神奇水，第二日就大至OK，我就不以為意!
但近日每次同佢去完街，返嚟都見佢肚仔一點點紅，仲好似越嚟越嚴重, 而佢又無坐過落地，咁係咩原因?
 |
| 琴晚去完街好多紅點, 皮膚好紅! 今朝減退好多喇! |
我有懷疑係天氣問題，每次出去吹風，可能就係致敏源喇；我記起當年同阿女有過郵輪trip, 佢就係全身全面出晒風癱，佢受唔起海風嗰種濕同鹹氣；喺屋企一路開住空調保持乾爽，波波就無接觸到呢種濕同熱!
另一個擔心,就係壓力問題, 會唔會佢唔鍾意出去? 所以反射落皮膚發晒出嚟?
但感覺上又唔多似, 每次我準備架車仔時, 佢都表現興奮, 3隻豬上足電咁跑嚟跑去!?
究竟係咩事? 還好每次同佢噴上神奇水, 瞓醒第日再睇吓佢, 都好得七七八八, 但源頭究竟係咩嘢呢?
呢幾日唔出去, 睇睇情況有無改善先!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
