 |
| 相片連結 |
短期內應該都唔會帶波波同朋友仔聚會, 我覺得佢極欠缺安全感, 離開屋企就好緊張, 呢個情況比以前差咗, 但我諗唔到邊度出錯 :(
當然一定有一D經歷令佢覺得好唔妥, 係我大意咗, 無留心囉!
 |
| 平台好好風, 吹到傻咗 |
波波原來好敏感, 好小事都會感覺無助, 一件在我睇嚟好微不足道嘅事, 但就可能已經衰咗; 外面咁多衝激, 佢真係覺得好唔妥, 以前佢只會吠狗狗同小朋友, 依家就唔同咗, 一出去就吠囉 :(
今日約咗M攞神奇水, 佢一見有人行近我又吠過, 本來好平靜嘅波波, 又好似癲咗!
 |
| 呢度有太陽, 都幾熱！ |
同M分手後唔再喺街上逗留, 今日喺街上見到隻金毛, 連姐姐都緊張咗, 叫我快D蓋番個車罩 :(
兼且正午時候都真係好熱, 又唔想大家都咁大壓力, 咁緊張實會影響波波, 番上平台好過; 平台好好風, 喺熟識嘅地方又無咩人, 我推住車仔兩頭遊, 佢哋東張使西望都唔錯; 因為波波上次無出去約會, 中午時間無人, 放佢落地跑一跑, 但只放佢一個!
陪佢跑咗幾分鍾我都熱到死咗, 今日係咁算囉!
以前我會唔開心會解釋, 但依家放棄咗, 我都好無可奈何 :(
 |
| 見小朋友向住佢跑, 眼都凸埋又吠喇！ |
之後明顯波波情緒差咗, 我一路望住佢面部表情變化, 好多次豆b碰到佢都想發脾氣, 見佢眼定定望住豆b, 如果我唔及時引開佢注意,一定開打咗 :(
 |
| 最怕波波咁樣望, 豆b都feel到唔妥 |
反而喺屋企情況就好咗, 佢見豆b拎咗佢玩緊嘅玩具都無即時發難, 可能係我警覺, 立刻拎住另一個同佢玩囉!
豆b傻更更, 唔係好記得波波會兇佢, 要衰咗先識驚; 我就要時刻關顧住, 唔想令打交成為習慣, 唔想令氣氛緊張, 更家唔可以令豆b受驚啦! 究竟係咩時候波波變得咁緊張?
 |
| 波波玩緊家嘛 隻傻豆又去攞都唔識驚 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
