 |
| 相片連結 |
今日天氣仲差, 一早就落雨, 仲落得好密, 好似無停過咁, 3隻豬出去行吓嘅願望又成泡影喇; 明日寵物展, 我無時間同佢哋出去, 咁今日都唔出去咪好慘, 習慣咗出街唔出去佢哋好似唔習慣, 會望住車仔兩頭行！
唯有坐住車仔落遊樂場行一round啦, 落雨濕濕無小朋友喺度玩, 咁都可以比佢哋出去望吓減吓壓 :)不過波波都係好麻煩, 途中見到隻金毛都吠到嘈晒, 比人話佢狗仔細細惡成咁, 好尷尬啦!
我都盡量迴避, 但有時一分心就走漏眼, 人家話每次波波吠我第一時間'咮‘佢, 呢個'咮‘就變咗係marker, mark緊佢吠, 鼓勵咗佢呢個行為 :(
我應該係在佢想吠之前"咮"佢, 事件過去就即時獎勵, 但有時真係手忙脚亂, 尤其出到街, 要顧及更多, 一不留心望佢表情嘅變化, 就遲咗啦; 好多次在千鈞一發趕唔切嘅時間, 我會用手遮住佢雙眼, 要咁去避真慘; 理論同實踐係兩回事, 明白咗要做得到都係難!
喺屋企就做得比之前較好, 因為我明知波波咁妒忌, 會專注於佢表情同安定訊號; 每次豆b見我派零食唔識死撲過嚟, 我都夠時間引導波波望住我, 然後叫開佢!
所以每次比零食都要先做好準備, 因為叫豆b唔好行過嚟好難, 佢係超等為食豬, 唯有令波波唔好注意佢!
都唔明點解越鍚佢哋越會爭, 以前養5寶都無遇過咁嘅事咁慘 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
