之前唔識放片, 依家ok咁就放多兩條, 等大家睇吓3隻豬仔點相處 :）
上面條片係兩年前拍嘅, 達達第一次甩毛後開始長番毛髮, 見到面毛都未生番, 但就好生猛; 之前無毛嗰段日子, 佢會匿埋唔玩㗎！如果話脫毛症對狗狗無影響,我點都唔信啦！
佢哋咁多年相處都無改變, 豆b會主動撩波波玩, 但唔敢惹惡女達達; 波波又只愛達達, 有時嫌豆b煩就走 入隧道匿埋 :）
所以我一直都話波波同達達好夾, 係絕配㗎！
咁波波又唔係完全唔同豆b玩嘅, 但一定係達達唔睬佢, 佢無聊先同豆b玩囉, 下面條片係上年達達開始毛毛變差, 無心機玩, 成日瞓覺; 波波悶到死就同豆b玩啦, 究竟豆b係波波姐姐, 還是係多出嚟嘅後備小三? :)
