 |
| 相片連結 |
呢兩日無出去, 留喺屋企歎冷氣, 主要係觀察吓波波肚仔皮膚嘅紅點, 睇睇係咪有改善!
今早睇嚟明顯有好轉, 雖然仲係有紅印,但真係好過之前!
現階段我都係同佢噴神奇水, 夜晚搽一次黑酵毋待過夜, 都加咗黑酵毋份量比佢食, 希望佢快D有好轉啦, 還好係唔覺佢好痕,佢無抓嘅, 唔知會唔會係噴咗神奇水既關係呢!
明日同3隻豬去驗血睇睇甲狀腺, 希望順利過關啦, 再問吓 Dr.H波波有無必要驗吓其他先; 開始有D不安, 每次驗血前都有壓力, 都唔可以輕鬆D就算:(
3隻豬唔出去就自己玩啦, 達達精力充沛, 跑嚟跑去仲會自動飲水, 跑隧道鑽嚟鑽去, 情緒行為都有好嘅改善; 波波都會同達達追逐, 玩吓就休息吓; 豆b就最懶, 不過佢行為都有改變, 會自動飲水, 會去片片大小便喇; 只係我就極速用完一包片片, 片片又猛咁加價, 都無法啦, 針無兩頭利, 要行為有改善, 就要付出代價啦 :）
今日飲鱷魚肉湯, 依家分開3個地方等佢哋安心D飲, 唔會驚搶嚟搶去又打交:)
其實3隻豬生活真係算好高享受, 起碼好過我啦:)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
