好快變肥豬

3隻豬表情都好relaxed

有幾日無帶3隻豬出去喇, 一來天氣唔好, 時常落雨, 二來地下濕立立, 星期六先洗完白白, 唔係好想比佢哋咁快做污糟豬 !
仲有一個好重要嘅因素, 就係波波; 留喺屋企短短幾日間, D毛毛都變番好!

早前我覺得波波同豆b毛毛都變薄, 都有D擔心, 唔知又有咩唔妥, 之後帶佢哋去抽血, 比Dr. H仔細檢查, 都無咩特別異常, 咁我就認定因為夏天, 佢哋會自我調節, 覺得熱就褪去部份毛毛; 雖然達達無受影響, 但我劃分佢為另類, 佢都唔跟常規出發,  無端端都會甩毛:(
而且係波波脾氣暴燥, 唔應該影響埋豆b嘅毛啦!

事實原來係好大關連, 波波脾氣唔好, 直接發洩喺豆b度, 呢個都帶比豆b一定壓力, 佢都少咗毛毛, 依家兩隻豬心情都變好, 咁就兩隻都厚番咗毛:) 近日食飽瞓, 瞓飽食; 佢哋好快會變肥豬:) 咁都好, 佢哋都有quota, 加少少磅仲好, 而且睡眠係會減壓嘅,  呢種天氣, 都係瞓覺最好!

 

其實佢哋都鍾意去街, 只係波波少同同類接觸會緊張, 又抗拒小朋友, 我唯有唔同佢行出街啦, 出去都要小心D選時間喇！ 兩隻女將會約會朋友仔, 唯有飛起波波喇, 上次天氣唔好都cancelled咗一次, 下星期希望太陽伯伯會幫幫手啦!




其實要我留低個心肝我真係好唔願意, 但又唔可以為咗佢一個而對兩隻女咁自私, 希望波波有機會調較好情緒，再慢慢試吓再開始！

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！