年紀大機器壞

兩隻豬條脷仔SIZE差別頗大

呢幾日波波氣管比較差, 間中都聽到佢發出嘅呼吸聲有D"卡卡", 早個多星期前去驗血, Dr. H幫佢聽診, 都話佢心肺唔差, 氣管好過豆b好多喇! 

我諗都係天氣變化影響啦, 唔想太依靠藥物, 用聞氣同噴霧幫佢舒緩吓, 佢情況並唔嚴重, 希望咁就幫到佢啦; 不過波波真係好麻煩, 佢好抗拒外來嘅幫助, 好多唔同方法對佢都無效, 我覺得佢自身好似發出一種力量, 去排除外來一切, 留比自己一定空間, 所以幫佢比較難; 性格係天生, 佢細膽, 頑固,  幫佢真係難!

波波明顯逃避聞氣

豆b氣管一向都差, 其實我有D擔心影響佢個心㗎, 大部份老年狗狗有心臟病都係氣管差! 但擔心無意思, 唯有做多D幫佢舒緩吓, 豆b同波波相反, 佢就好受落外來嘅幫助, 聞氣時好努力去吸, 噴霧幫佢都唔差; 當佢聞氣時我發覺佢條脷唔大㗎, 即係佢唔需要用力呼吸條脷係正常size㗎! 

豆b就好enjoyed啦

佢吸緊氣時原來條脷唔大㗎

唔怪得佢每次行街每次跑, 都伸出條大吉大脷啦, 再睇番佢細個嘅相片, 同細佬玩完都脷仔大大, 咁佢天生係氣管窄喇! 中咗松鼠狗呢個品種天生嘅問題啦!

近日先知原來從中醫嘅角度去睇, 脷仔大個心都係相對較大, 要開始搵D補充品幫吓佢個心肝仔喇, 快7歲步入年紀大! 

我希望從小問題開始去幫佢哋, 雖然年紀大機氣壞係自然定律, 但我希望佢哋生命自然安穩咁老化, 唔好有其他頑疾令佢哋生活質素變差,  我唔介意做多D幫佢哋㗎 :)
 
依家早晚都比佢哋聞氣, 又要睇住波波肚仔皮膚唔好變差, 做多D extra無問題, 唔好有事嚇我就得喇！

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！