3隻豬仔嘅眼仔保健品終於到咗喇, 之前同生產商聯絡, 答覆係好快會進駐香港獸醫院, 咁我就等吓啦, 但等咗一段短時間, 都未有確實消息幾時到達, 以我呢D咁心急嘅性格點等得咁耐吖, 一於從生產商直接訂購番嚟啦!
之前我上網搵資料, 研究咗好幾隻產品, 有D葉黃素好高劑量, 我唔敢試喇, 有D又成份含糊, 更家唔敢用, 最終揀咗呢款, 我覺得唔錯啦！
如果狗狗想做個眼睛保健可以研究吓, 呢隻係台灣遠見動物眼科醫院有推薦, 我睇過佢網頁每一項目, 覺得可以信賴, 下面嘅LINK大家可以睇睇啦！
即晚就比3隻豬試食, 我用少少薯茸加埋一齊咁比; 我有D擔心咁多中草藥佢哋會唔鍾意啊, 但出奇地佢哋表情話比我知佢哋覺得好好味, 舔呀舔, 好快食晒, 我諗適口性極佳 :)
http://www.ultra-vision.tw/index.asp
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
