天氣無咁熱

相片連結

落咗一場雨, 天氣無咁熱, 要早D出去喇; 雖然地下好濕, 唔落地行都可以落平台, 坐住車仔兜一轉啦! 

3隻豬都好鍾意出去, 雖然波波落到街有一定壓力,  見到其他狗會好煩,  但佢見到工人姐姐準備架車仔, 仍然好興奮咁兩頭跑, 佢仍然enjoyed出去㗎; 每次放佢落地, 初時都好緊張兩頭望, 但確定咗無其他狗狗, 佢係跑得好開心嘅, 不過呢個難題都唔易解決, 好難100%避到其他狗狗啦, 都只可以盡量去做喇!

豆b只要出去已經好開心, 佢好奇心爆棚, 每次坐住車仔都要企高遊覽:)
雖然佢好懶, 唔鍾意行, 但我都會引導佢行一段短短嘅路程,  筋骨肌肉都要運動吓嘛; 不過我會好小心睇住佢身體反應, 運動量唔敢over, 佢氣管太差, 見佢喘晒氣都怕怕!

達達毛質又開始變差, 但好彩情緒都未變差啦, 佢都仲好鍾意出街行, 而且行得唔錯喇!
我發覺佢毛質一如上次一樣, 底層變黑開始羊毛化......

原來毛髮真係會影響動物行為, 今日見度到呢篇報道, 就可以解釋到達達甩毛期間真係會情緒變差喇！


https://www.facebook.com/photo.php?fbid=635476813143770&set=a.119570801401043.15771.114293575262099&type=1&theater

當然現階段佢毛毛未去到最差, 毛質未旱仍然好滑, 但我預計佢都係會跟番個pattern咁行:(
似乎係一個循環, 每次長番full coat, 就開始變壞, 任我點小心保養, keep住用神奇水同一切supplements, 佢都係逃唔過呢個宿命, 我只好認命喇!
不過我唔會放棄, 我會繼續諗辦法幫佢, 放棄就無出路啦!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！