琴日帶咗達達morning walk, 感覺真係好熱, 有D擔心佢會中暑, 佢真係太厚毛毛喇; 但我又唔敢修剪, 真係怕一修又出事, 自己攞嚟衰!
當然唔係每一隻狗狗都有同樣問題, 甚至同一隻狗狗每個階段都有不同改變, 以前試過做同樣動作無出事, 並唔代表往後都唔會出問題; 身體狀況隨住時間流逝而有所改變, 好難預知後果如何, 但從網上搵到嘅參考同自己過往嘅經驗, 都總可以自己做個決定啦!
網上一直都有講及有雙層披毛嘅狗狗並唔適合剪短毛, 當然略為修剪整齊係可以接受, 但都係有一定限制; 剪太短將外面嘅面毛保護層剪去, 在我嚟講就真係提都唔好提喇!
 |
| 我太珍惜達達豬得來不易嘅呢身靚毛毛喇 |
我除咗擔心佢哋無咗保護層, 唔可以反射陽光嘅熱力, 直接吸入會灼傷皮膚及產生中暑問題, 對於達達豬, 就更多一層憂慮; 無咗面毛保護, 我好怕佢毛髮會好快枯死, 到時又變咗隻黑皮豬, 我唔敢試喇; 每次見到佢毛毛太厚太亂都只敢修好少好少, 少到近乎無 :)
但見佢披住咁厚嘅皮草, 感覺真係唔太舒服,又真係擔心散熱問題,（當然係我一廂情願嘅感覺啦 :P) 所以今早唔再帶佢出去喇, 要揀啱時間地點, 唔敢亂嚟, 中暑唔講得笑嘛！
http://www.examiner.com/article/why-you-shouldn-t-shave-your-double-coated-dog
今早改為帶波波出去, 無諗住比佢落地, 希望比佢睇吓街, 慢慢適應再開始訓練佢; 我睇咗好多網頁都係話拿捏時間好重要, 如果trigger太近佢已經開吠已經太遲, 要從好遠處開始!
 |
| 出完街神情繃緊晒 :( |
當波波第一眼望到有狗狗, 佢未感受到威脅, 未開吠就獎勵, 一路不停比小食直到狗狗經過我哋離開先停止; 問題係狗狗在遠處時, 波波會接小食, 當狗狗逐漸移近, 佢就無視我手上嘅零食, 整個精神狀態緊張失控, 點做都無用啦, 真係好難, 我寫個服字喇！
出完街波波又同豆b打交, 唔到我唔信, 唔服; 波波係唔適合出去 :(
外面嘅世界對佢安全感挑戰好大, 可能都係社會化太遲喇!
今晚食完晚飯再推住車仔上瞭望台, 波波嚟呢度神情無繃緊晒, 入夜後無人會上嚟呢度, 呢度可以有我哋嘅私人空間!
係咪波波只可以咁? 似乎呢個係我唯一選擇 :(
 | |
|
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
