 |
| 相片連結 |
前日同波波搽油後沖涼, 對佢皮膚嘅黑色素沉澱真係好大幫助, D黑色皮膚差不多褪晒喇, 油份對呢種問題真係唔錯; 波波同達達之前嘅黑皮膚係完全唔同issue, 本來我都唔肯定同波波做呢種療程有無用, 但一試之下竟然發覺都一樣有正面效果, 仲咁好成績真係意想不到 :)
今日到達達沖涼喇, 雖然佢未有黑皮膚, 但毛毛就真係黑咗, 反正搽油又唔會傷身體, 我都同佢做呢個療程啦; 同達豬我就搽emu oil, 希望易D沖洗, 不過佢咁多毛毛要搽落身就唔容易, 好似搽極都唔吸收!
搽完毛都係著番呢件T恤仔啦, 件衫油冧冧好似總係洗唔去D油份, 我將佢特別放開, 以後就用嚟搽油用啦, 反正日後都一定要做呢個行動喇 :(
達達著番件衫好似細個咗喎, 好得意 :)
跟住整理吓佢哋D supplement, 又入咗貨喇, 波波對新事物係最有興趣嘅, 走過嚟猛聞 :)
今次買咗PREPRO, 成份有digestive enzymes, 仲結合咗prebiotics同probiotics; 我一直都有比prozyme佢哋食用, 幫助佢哋對營養好D吸收; 但自從達達甩毛, 睇咗相關嘅資料話PREPRO對呢種情況都有幫助, 咁達達就改食咗呢個！
對twins 一日3餐我都會喺其中一餐加入, 其餘兩餐都係食番prozyme, 有需要時就再作調較！
繼續比Steadfast Canine作為兩隻女嘅關節supplement, 我鍾意NEM呢個天然成份！
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
