 |
| 相片連結 |
呢幾日都無同3隻豬出街行, 只限於坐車仔落樓下平台, 杜絕波波見到其他狗狗嘅機會; 每次出去前都叫工人姐姐先落去望望, 有小朋友就遲D出去, 多數晚飯後會好D; 但波波好煩, 依家見親人都吠, 都不限大人細佬喇, 落去難免碰到人嘛, 真慘！
琴晚同佢哋上咗瞭望台, 夜晚嗰度實無人啦, 我同姐姐兩個好似癲婆, 又要唱歌, 姐姐仲跳晒舞, 慕求令到氣氛輕鬆, 隻衰豬咁先放鬆, 表情無繃繃緊喇, 我真係怕鬼咗佢!
睇情況波波都係唔適合出去同朋友仔玩, 下次約會又要留低佢喇, 都無辦法啦, 勉強無幸福嘛！
豆b當然都ok, 佢都唔太適合出去, 阿女都覺佢氣管差咗, 透氣好大聲; 豆b係要喺冷氣房瞓覺先會平靜, 無喘氣; 太熱太凍都係死, 尤其開餐時候最得人驚, 激動起嚟喘到都係怕咗佢！
 |
| 睇見豆b伸咁長條脷就擔心佢條氣 |
今日餵佢哋食完早餐, 我唯有唔再瞓覺, 等佢休息一陣就帶佢出去, 早上雖然有風不過都係好熱, 我要不時同佢噴水, 亦都唔敢行咁耐喇, 行咗20分鐘等佢運動吓, 會開心D啦!
早上都有其他狗狗行, 但佢唔係波波, 無所謂啦, 不過依個女好慢熱, 唔識嘅狗狗行近佢身邊實兇狗哋㗎; 今日有隻史納莎過嚟聞佢, 佢又鬧鬼啦, 惡女嚟㗎!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
