 |
| 波波好乖仔啊:) |
有幾日無比波波上我床瞓喇, 佢開始習慣, 無再好慘咁企喺我身邊等; 我將幾張床仔放晒入房, 開住狗狗音樂, 佢哋就好乖咁自己去瞓; 不過佢哋都係黐身, 呢個情境只限於我都喺房佢哋先會肯, 但咁我都好開心喇, 我可以坐喺電腦前玩好耐都唔使擔心 :)
 |
為咗唔想佢哋有爭執同打交成為習慣, 一路落嚟我派零食已經好小心; 之前波波一見豆b行近佢會定住望到實, 我要立刻將佢視線轉移先敢再將零食去分, 但呢兩日我發覺波波嘅表情無拉得咁緊, 即使佢見我比零食豆b都會好乖咁等!
但我唔敢鬆懈更唔敢比佢哋企得太接近, 唔想誘發佢哋再相爭, 我但求可以keep到咁, 我已經好滿足喇,見到波波唔使一天到晚都在戒備狀態我真係好開心!
琴晚連阿女都覺得波波relaxed咗, 仲同豆b追逐玩咗一陣:)
 |
| 好耐唔見佢哋自己走埋一齊喇! |
我呢兩日唔同佢哋出去喇, 好怕遇到一D令我措手不及嘅場面, 又帶比波波心理失平衡! 要冷靜慢慢等, 先抱佢出去唔落地, 等佢多D安全感, 要根基打得穩D, 再搵安全無打擾嘅地方時段, 先放佢落地自由行!
自從波波心情唔靚, 我一路都擔心, 已經好耐無舒出一口氣嘅感覺, 我真係唔想破壞近日咁難得, 咁寧靜嘅時份!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
