 |
| 相片連結 |
又打風又落雨, 當然係無得去街街啦, 3隻豬無無聊聊兩頭行, 我就上網shopping睇吓有咩買, 當然都係買比3個寶貝豬啦!
見前兩日對twins爭住同一個玩具, 心諗係咪又要買新嘢喇, 佢哋好似對屋企嘅玩具無咩興趣; 老公話唔好傻啦,佢哋已經好多玩具, 多到佢哋都唔會記得喇, 收埋一輪再拎出嚟就OK啦, 佢哋邊會記得係舊玩具!
琴日拎晒D玩具出嚟, 又真係幾多喎, 拎出嚟比佢哋自己揀番個最鍾意嘅啦; 不過, 佢哋無興趣 :( 來來去去喺玩具旁邊遊咗一陣間, 放棄去提取!
呢3隻豬真係比我縱壞晒, 每次出現呢類問題, 朋友都話係我嘅關係, 我都知衰 :(
好似波波, 佢情緒出問題, 朋友話係我太寵佢, 做成佢要獨佔媽媽, 唔好話有狗狗行埋嚟, 就算係有人行近, 佢都唔鍾意, 所以佢用吠嚟驅趕向我移近嘅物體; 當佢失敗氣餒, 受挫折會坐低, 做安訂定訊號, 甚至出現攻擊行為, 咁又好似係!
所以媽媽派零食, 只有佢可以拎, 豆b行過嚟佢會兇佢, 連佢哋望吓我都唔OK; 唔係話要以佢為先就OK咩, 可能我做得過咗火位, 我越擔心佢唔開心, 越就住佢就越死, 所以近來我覺得佢情緒行為都差咗啦!
今日試吓硬實心腸一視同仁對待佢哋, 波波再唔係特權份子, 平時應該佢上我床午睡, 今日一於唔理佢, 放埋佢張床仔入房同兩個女一齊, 唔望佢!
見佢企喺我旁邊望住我, 然後爬高抓我, 我唔理佢就爬番低, 再死死氣上番床仔, 我個心真係赤到死, 嗰種感覺難受到簡直想喊出嚟, 但為咗幫佢, 都要忍痛一試 :''(
慈母多敗兒啊!
 |
| 一路企喺我旁邊等 |
 |
| 企到攰就爬低 |
 |
| 死死氣番上床仔 無晒心機 :'( |
 |
| 個樣好慘慘呀， 媽媽肉赤到死喇！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
