 |
| 相片連結 |
呢個星期個腦開始多嘢諗喇, 要預備一年一度我嘅大project; 星期日就係等咗好耐嘅big day, 要同3隻豬仔慶祝生辰!
從構思影相背景, 仲要諗諗要整咩點心:)
蛋糕就一個月前已經要訂，呢樣就真係巴閉過一般人:)
之後就出動我只每年一動嘅水彩筆, 開始塗塗抹抹, 要為影相做背景陪櫬; 呢個習慣源於阿女小時候開生日會, 我每次都親自剪貼描畫, 雖然同外面買嘅裝飾差十萬九千里, 唔及得人; 但勝在獨一無二, 仲有嘅當然係嗰份愛心啦!
咁多年後再睇番, 仲可以記起當日嘅開心時間, 又可以睇番自己當年嘅塗鴉, 都幾開心㗎 :D
睇落我為3隻狗狗做咁多準備好似好傻, 但其實我係好enjoyed整個過程, 得著最多嘅係我呀 :)
雖然比平日忙, 但都無忘記帶3隻豬仔出去跑跑, 雖然都有D風, 但都真係好熱, 好少見達達都伸長晒脷仔, 唔敢行咁耐喇, 真係一年熱過一年 :(
今日同波波沖涼, 再幫佢搽椰子油, 我發覺搽油後沖涼, 呢個做法對皮膚嘅黑色素沉著好有幫助; 上次波波皮膚敏感肚仔留下嘅黑印, 上次做呢個療程, D黑色素好咗有70%, 所以今日再做 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
