本來約咗朋友仔今日一聚, 等佢哋可以跑吓, 但近日天氣好差, 唔祇係熱, 空氣質素都好污染呀; 琴日落過街, 感覺好似比一團好焗嘅空氣罩住, 好難透氣, 我有D擔心3隻豬; 咁情況下都係不宜出去, 咁啱V都有同感, 我哋決定改期!
空氣咁差, 松松氣管又弱, 尤其係豆b, 都係唔好出去喇, 留喺屋企開住狗狗音樂歎冷氣, 我再四圍噴上Chill-Out香薰比佢哋, 等佢哋好好休息吓啦 :)
再嚟講吓眼仔保健, 3隻豬食咗優視草有5日喇, 達達眼仔一向無咩問題, 所以無乜特別; 波波都未見有好大改進, 都係眼淚汪汪; 食咗咁短時間我無好高期望啦,又唔係仙草 :)
但好奇怪豆嘅b改進又頗明顯....
豆b眼仔比較大, 所以眼淚多就顯而易見, 我要密密同佢抹眼淚, 一唔抹就會濕晒成塊面喇; 但呢兩日發覺佢無面仔濕漉漉, 咁即係眼淚有減少啦!
不同狗狗吸收同一隻保健品都有快慢唔同程度, 如果養一隻狗狗嘅真係會誤會嗰隻產品無料, 會埋怨雷聲大雨點少:)
希望繼續食落去都幫到波波無咁多眼淚, 而最重要嘅係可以幫3隻豬延緩眼睛老化, 等佢哋有一個健康嘅視力啦！
