大年初一 (w/ video)

大年初一, 3隻豬仔恭祝大家萬事如意, 身體健康!

一連4日工人姐姐放假, 我同3隻豬要好好珍惜呢幾日寧靜嘅日子, 我就好享受呢幾日唔使激氣:)

講出嚟都好笑, 點解咁唔鍾意都要留住佢, 事實上無咗姐姐幫手真係好踢腳, 況且佢人係蠢D, 但人品都唔差, 一年來都未有駁嘴; 所以我激氣都唔會針對個人, 只係針對件事!

姐姐都明白我個性係咁,  都會叫我唔好嬲佢, 佢話佢會step by step咁改進, 佢話唔想離開我屋企, 佢好鍾意3隻豬!
今時今日姐姐搏炒已經成為風氣, 難得佢咁有歸屬感, 所以我嬲完一陣, 就唔會再記住件事 :)

 
達達用順勢治療一轉眼有10日喇, 呢10日裡面我都好小心觀察住; 見到佢脚仔都係無咩力, 但都叫做無惡化落去啦, 希望耐D會見到明顯嘅成績!
講真呢類咁嘅問題, 真係無從幫起, 佢唔係差到行唔到企唔到, 只係能力弱D, 唯有係咁做落去!

波波同豆b慶幸無咩事, 但求平平安安已經值得恭喜, 不過自從禁止波波同達達玩摔角, 佢明顯無心機, 呢段日子以來我人同心都忙碌, 都少咗同佢哋出去, 過年後一切安頓, 又從新開始啦!

豆b呢段日子一直陪住細佬嬉戲, 佢就難得達達唔霸住波b啦,  還好有豆b, 波波無咁悶, 唔知要等幾耐, 達達可以再參與! 

 

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！