嚇死我喇!

嘩嘩嘩....嚇死我喇!!!!

每晚都會比3隻豬食少少番薯, 用嚟送眼仔supplement, 方便打開膠囊撈落去; 番薯甜甜哋可以蓋過D草藥味, 3隻豬唔抗拒!
每晚都係咁, 從未出過事, 但今晚就比豆b嚇死!

成年踏入年長

仲有唔足10日就到波波同豆豆嘅8歲生日, 當然係一貫做法, 同達達一齊慶祝啦, 3隻豬齊齊整整慶祝生日真係好幸福, 希望仲有好多年可以同佢哋3個一齊做生日 :)

正常到奇怪 (w/video)

一直都定期同3隻豬做保養,艾炙,場效應, 照燈同milky spa!
達達進步比較明顯, 行得唔錯喇, 至於毛毛都算有改進啦; 不過按過往嘅例子, 仍未到最差嘅時限, 一般到2, 3月會最差, 所以目前嘅進步唔可以作準,  唔需要太早開心喇!

3年來日子過得好嗎? (樂樂篇)

樂樂, 又一年喇, 你離開咗我哋3年來, 日子過得好嗎?
近日睇到有網友討論你哋離開後, 將骨灰放屋企好唔好, 但從一開始我已經決定咁做, 因為我從來無諗過好定唔好, 變成咗理所當然!
當然有人講好或唔好, 但我覺得但求心之所安, 咁多年來, 你哋去咗彩虹橋嘅5寶, 一直無離開過我, 骨灰全都係放屋企度! 
而我, 從來無覺得唔好, 可能我無宗教信仰, 考慮會較輕鬆啦:)

多個選擇 (w/album)

相片連結

達達好番晒喇, 保險D再食多兩日藥, 但將次數減半啦; 感恩達達算係同順勢藥    "夾", 好多症狀都有效(都唔知係應該開心定傷心, 又椎間盤問題, 情緒病, 打針腫塊; 今次嘅打乞嚏流鼻水,牙肉痛等等😞), 咁唔使常食西藥咁慘, 無咁多chemical無咁傷身啦!

牙肉痛

達達打乞嚏問題, 我比佢食有關sneezing嘅順勢藥, 情況改善緩慢, 出動晒熱蒸氣同霧化機, 雖然都有D好轉, 但鼻塞都係無乜大改變! 

早兩日已經上順勢藥網搵料, 建議加多隻藥添,  呢隻藥一早已經買咗, 之前用作幫忙處理牙石問題, 主要用途係將身體唔好嘅嘢排出嚟!
上次打瘋狗針出現腫塊都有用過, 消除腫塊用咗真係好掂;  見佢鼻仔問題未有好轉,  就即刻比佢食埋呢隻藥先!

一種恩賜 (w/album)

相片連結

繼續用簡單直接嘅方法幫達達, 都係用生理鹽水比佢聞氣, 怕D鼻水倒留入咗氣管, 刺激到氣管就煩, 一開始咗有咳, 要好番就要更長時間!

為人嘅父母

經過咗一晚休息, 兩隻豬女無發生大件事, 當然一如為人嘅父母, 仔女有事我一定瞓得唔好喇!
我一向都好容易醒, 平常無事都避唔過少少聲響, 好醒瞓; 依家個心仲掛住兩個女嘅病, 更加難瞓得深沉, 一路都keep住淺睡狀態!
 
一整晚都聽到達達係有鼻塞, 間中聽到呼吸聲好響, 好彩唔算頻密, 本來好想比佢再聞氣, 但又怕聞得太密, 太刺激仲傷, 我最後無騷擾佢瞓!

轉貼事例

https://www.facebook.com/photo.php?fbid=695117840565992&set=gm.10152625246688390&type=1&theater 

印像中我只係share過幾次呢類case, 因為唔係當事人怕有誤會, 唔想因為咁影響到人哋, 一般最多都係討論, 但唔會開名, 公平D!

但呢間動物醫院, 拉落去睇咁多負面事例, 即係唔係單一失誤事件, 最重要嘅係有我親身經歷, 咁多年嚟, 我每諗起都心痛到死, 會覺得係我害死我嘅寶貝仔!

兩隻豬一齊出事

都唔知發生乜事, 兩隻豬一齊出事?
前晚半夜就聽到達達猛打乞嗤, 兼且呼吸好似唔順氣, 有D鼻塞嘅聲; 我即刻諗會唔會係因為個冷氣? 
近來真係無一日離得開個空調, 會唔會佢哋唔適應? 雖然我有用床單遮擋, 蓋住佢哋瞓覺嘅地方, 但整體室溫都係清涼, 會唔會凍親佢哋?

雷電交加

波波同豆b都瞓番喇, 達達仲碌大對眼！

今年天氣好似特別差, 落雨落咗好長時間, 唔落雨又熱又焗, 好似唔離得開個冷氣機啦, 3隻豬仔都好耐無落過街, 呢個都唔係重點, 唔去街佢哋可以自己喺屋企玩, 都OK無問題㗎, 最慘嘅係頻頻雷電交加, 響雷真係嚇死達達㗎!

皇帝豬 (w/album)

相片連結

今日波波同達達浸微泡, 即係每星期我都要服侍我嘅皇帝豬浸浴, 雖然話無之前咁辛苦, 但如果3隻一齊做, 都係好苦惱; 由浸浴到吹乾毛毛, 有時再修吓毛, 都要花好耐時間, 又唔想草草了事, 做到吃力不討好, 所以決定每星期比兩隻豬做！

狗狗剷毛參考 - 轉貼

近日天氣炎熱，好多狗主人都見到狗狗有層厚厚嘅毛而覺得佢哋好熱而幫佢哋剷毛，等佢哋可以涼快一啲~ 其實，咁樣做係咪可以幫到佢哋呢?!

咁等我哋先了解一下狗狗嘅生理結構~

書本、上網等資料都可以搵到，狗狗嘅汗腺多數分佈係腳掌上；另外，狗狗伸晒脷喘氣，係通過蒸發脷同肺部嘅水氣來降溫；狗狗亦可以通過擴張耳仔同面部嘅毛細血管來散熱。所以，狗狗散熱主要唔係靠皮膚嘅。

給BeBe的信！ (BeBe篇)

BeBe,  今日係你嘅忌辰, 離開咗咁耐, 有無掛住爸爸、媽媽, 仲有最鍚你嘅姐姐呀?
記得第一日接你番嚟, 你跑過嚟舔我, 嚇得當時怕狗狗嘅我呱呱大叫, 即刻跳上梳化; 又記起年紀細細嘅阿女即刻走過嚟攬住你, 猛叫唔怕唔怕, 其實你有怕咩? 當時你係頑皮嘅小精怪, 見你哋玩到嘻嘻哈哈,  你仲頑皮咁用細小嘅牙齒輕咬阿女, 怕嘅係媽媽啊!

為時未晚 (w/album)

相片連結

每日都好似好忙, 都係環繞住3隻豬仔啦 :)

達達嘅毛毛"好似"真係有好轉, 唔通真係浸咗微泡浴嘅幫助? 佢睇落skipped咗做光豬仔嘅階段, 毛髮開始復甦喇; 當然一直以來我都無偷懶, 每日都用神奇水同佢按摩, 做得嘅就盡量做, 唔敢期望成果, 但求安穩渡過啦!

有待時間見証 (w/album)

沖完涼D毛毛好鬆軟！
相片連結

今日兩個女浸MILKY SPA, 豆b先做!
豆b皮脂腺係比較發達, 初嚟我度時我已經覺得佢D毛毛好油吓, 可能轉咗鮮食, 情況係有改善,  但比起波波同達達佢仍係屬油性皮膚; 今次仲谷出D脂肪腫塊, 呢個女D內分泌係有D問題喇!

草本心絲虫預防藥 - HWF

今日比波波達達開始試草本心絲虫預防藥, 豆b咁多事唔敢試住, 等再驗血確定身體狀況, 再決定都未遲; 每次試新嘅產品我都好緊張, 畢竟係食落口嘅嘢, 所以金睛火眼咁望住佢哋, 有無出現過敏情況, 我係寧舍緊張啦;) 但我真係唔想長期用西藥, 怕身體積聚毒性加強, 又諗起當日波波用滴頸藥帶嚟嘅"災難", 再加上豆b今次"疑似"個案, 我好驚!