 |
| 相片連結 |
近日睇咗好多負面新聞, 睇埋咁多不幸事件同咁多無謂爭拗, 真係會影響心情, 我自己性格已經緊張, 睇咗呢D好容易有代入感, 總係會從壞處諗 :(
今日睇電視, 又提及"宇宙吸引力法則", 呢個Mi之前都有同我提及, 究竟係咪真有咁嘅威力就好難探究, 但如果真有其事, 越往好處諗, 就會吸引到好事來臨; 相反諗得越差, 就越頭頭碰著黑, 如果自身帶住咁多負能量, 好嘢都唔會埋你身, 咁.....我都係要避開唔好睇咁多呢D負面新聞喇 :p
自己知自己毛病, 除非唔知就會唔諗, 知道就轉幾個彎都諗到似層層, 最衰仲要好嘅又唔去諗, 衰嘅就擔心, 總係對號入座搵自己笨!
不過性格係天生, 要改變有咩可能, 唯有試吓避開唔睇呢類新聞啦!
新姐姐嚟咗我一樣咁忙, 唔知點解總係騰唔出時間, 想同3隻豬落吓樓下都難!
可能係自己都唔堅持, 天氣咁熱又唔想離開冷氣卦, 當然比以前多咗兼顧係事實, 希望遲D會好D啦!
好彩3隻豬都仲會一齊玩, 雖然對孖胎真係好麻煩, 總係嗌交仲會打交, 但又會一齊玩到癲晒, 真係比佢哋氣壞!
但從另一個角度去睇, 即係往好處諗啦, 會吵吵鬧鬧, 身體狀況應該唔太差啦, 唯有睇住吓唔好再整親眼, 我真係怕怕喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
