琴晚食完晚飯又要出去, 約咗Ka借枝iWand plus比波波試, 為咗呢個仔我真係可以飛天遁地, 萬死不辭 ;)
Ka提醒我夜晚唔好照頸, 照咗身體能量會活躍, 驚影響睡眠, 咁我拎番嚟後集中照腰同手仔腳仔啦!
波波好受落, 好似好舒服好enjoyed, 即使未見療效, 但見到照住咁舒服, 我同老公已經想買 :p
呢D新科技產品真係考起我哋, 點解釋都唔會明, 但細細一枝外觀有如個電筒仔, 要賣咁貴, 效用真係咁巴閉?
今朝波波可以尿尿舉起腳仔喇, 但都係腳步浮浮, 我唔會心急, 都唔會心軟放佢出嚟, 一於困籠休息, 再接再厲; 跟住中午抱上大床再用枝iWand plus照頸照腰, 再照埋手仔腳仔!
今日早餐時間, 達達反常咁安靜, 我知又出事喇; 抱佢出廳食早餐, 幸好都有食完, 便便正常, 但多咗眼水; 見個女同平常表現唔同, 即刻同佢量體溫喇!
真係有燒, 兩隻豬唔妥都要一齊 :(
即刻餵順勢療劑, 再用iWand plus同佢掃身體, 琴晚睇過官網, 有貓貓同達達情況近似, 照完精神返晒嚟; 係咪咁神奇唔去考究喇, 反正試吓無妨啦!
兩個鐘後達達退咗燒, 達達一向都接受順勢治療, 係療劑嘅幫助還是iWand plus咁玄妙, 真係天知曉!
下午達達瞓咗喺地氈, 我順便同佢做個保養, 手腳腰頸都照照!
傍晚到豆b, 呢隻豬咁合作都係初次, 令我有更強意欲想買呢枝咁神奇嘅嘢番嚟, 但到底...呢枝係乜東東嚟?
https://www.facebook.com/petsxiwand
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
