 |
| 相片連結 |
琴日一早我又要出去, 自己要做一年一度嘅例行檢查, 今次係睇眼; 都係買個安心啦, 眼睛好重要嘛, 睇唔到嘢我覺得慘中最慘!
完成檢查無咩大問題, 醫生話一年後再見啦, 跟住快快趕返屋企, 餵3隻豬午餐!
呢幾日天氣都麻麻, 時有落雨, 又濕又熱, 當然唔太適合帶3隻豬去街, 但困住咁耐又好慘, 佢哋都鍾意出去行吓嘛; 雖然波波出去係好緊張, 但一話去街佢超high, 咁落樓下行吓一定無壞 :)
比佢哋食完晚餐, 休息過後等到傍晚, 應該天氣好過日間, 於是"啲"起心肝起行, 喺等電梯期間, 見到3隻豬仔都好開心笑晒!
原本諗住比佢哋坐住車仔遊吓花園算喇, 睇吓街街佢哋都好開心啦, 落到樓下見無人喎, 咁就放佢哋行吓!
諗唔到最開心嘅係達達, 都唔使叫就自己兩頭行, 波波就同平時一樣啦, 豆b就真係麻麻喇, 行一陣自己就要坐低, 呢種天氣對佢都係唔啱, 諗唔到有風吹住佢都頂唔順, 氣管都係差喇!
行咗好短時間, 比佢哋上番車飲水, 繼續用車仔逛, 坐住車睇風景好喇!
以為落過雨無咁熱, 所以無出動冰涼衣, 但原來都係熱得咁慘; 下次再出去要著返, 睇吓幫唔幫到啦 ;)
講起飲水, 之前Dr. Yeh建議添加healthy mouth落水比D豬仔飲用, 希望佢哋口腔會健康啦, 唔可以麻醉洗牙好麻煩嘛; 但自從加咗呢隻草本, 3隻豬都明顯飲多咗水, 連達達都唔抗拒我真係好意外啊!
呢隻草本, 幫到口腔健康之餘, 仲幫到佢哋自動飲水, 真係太好喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
