 |
| 波波好鍾意個豆袋! |
休息咗一晚, 波波算好番好多喇, 不過都仲係行得好慢, 隻腳仔係無咩力度, 但最慘要算係佢尿尿嘅時間; 個仔舉腳係習慣, 今日見佢平衡有困難, 見佢舉起腳仔後搖搖擺擺, 我心都痛晒, 唯有用手扶住幫佢一下啦; 不過今日佢無叫, 都算係有D好轉啦, 我個心就較為安定, 我諗要比佢多D休息時間!
今日天氣好差, 橫風橫雨, 又黃雨又紅雨, 如果要去睇醫生就麻煩, 要出外搵架的士一定難!
幸好波波情況唔太壞, 我就繼續用順勢療劑啦; 自問係一個勤力媽媽, 為我嘅寶貝豬健康把關絕唔會偷懶, 今日再用熱毛巾敷脚仔, 再用gelotion同佢按摩啦!
 |
| 先用熱毛巾, 再用gelotion, 跟住敷豆袋! |
突然記起上次睇Dr. Fan, 傾談間我話喺某D部位同佢哋做熱敷有困難, 因為3隻豬身型細小, 要搵咁細嘅健康用品根本無得買, 就如想幫豆b敷吓頸仔就極困難!
多謝Dr. Fan比我好提議, 佢叫我自己做個豆袋, 要咩size都好辦; 波波達達每次用場效應敷腰仔, 豆b就用豆袋敷頸喇!
 |
| 做完物理治療乖乖瞓覺 |
今日記起就拎個豆袋出嚟同波波敷腳喇, 呢個真係好好嘅選擇, 如果大家有需要都做番個啦, 用微波爐加熱後有豆香, 暖暖哋好舒服, 佢哋一定鍾意㗎!
當然溫度要小心掌握, 太熱就用毛巾隔開吓, 要小心唔好燙傷佢哋啦!
 |
| 用個豆袋敷吓不同部位, 波波好合作 :) |
今日FB睇到有松松被主人遺棄街頭, 只因佢有病已經唔識行, 當路人聽到佢悲鳴, 將佢送咗去愛協, 下場係人道毁滅, 好慘!
點解點解??? 點解有人會咁狠心對待一隻小小毛孩? 點解可以忘記當日一齊生活佢曾帶比你嘅愉快, 我真係睇到心都酸晒!
我一定會好好照顧我3隻豬仔, 好似婚禮嘅宣誓詞, 無論順境逆境, 疾病健康, 我都會不離不棄; 我會盡我能力好好照顧你哋, 比你哋幸福嘅生活, 媽媽永遠愛你!
 |
| 慢熱嘅達達豬今日開始對個帳蓬有興趣 :) |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
