 |
| 今早眼仔幾好 |
今日又係我約見牙醫嘅日子，植牙手術終於接近尾聲，再去多一次就完成呢個頗繁複嘅工程!
每次牙科約會都一定揀選老公放假嘅日子, 暫時未敢單獨留低3隻豬, 要比多D時間工人姐姐適應; 我要肯定姐姐習慣3隻豬嘅生活模式, 要確保唔會有任何意外做成!
當然如果姐姐愛護我3隻豬我會好高興, 但即使佢對狗狗無反應, 我仲唔使擔心佢會得意忘形, 我好怕D姐姐未得我許可就抱起狗狗, 呢種關愛我心領喇; 口述書寫都再三提醒, 唔可以抱起狗狗, 唔可以做出任何傷害到3隻豬嘅行徑!
波波眼仔似乎有好轉, 今次慶幸自己打理及時, 戴一個適當嘅頭罩係好重要嘅事, 真係經一事長一智!
琴晚食晚餐時我幫佢除咗頭罩, 波波已經有睜開眼, 但戴住頭罩就多數瞓覺; 咁仲好, 合埋眼比眼仔多D休息!
今早起身波波已經可以正常咁打開眼, 我拉開眼仔仲係有紅咗嘅眼白, 都應該需要多幾日先會好番; 既然有好轉, 就繼續滴眼藥同順勢療法, 當然唔敢除頭罩!
 |
| 今日明顯好咗 :) |
多謝多位朋友關心問候, 多加提點, 有時一D平常留心到嘅事, 一有事個腦好似會自動block住 ;)
V提醒我呢段時間可以補充Vit C, 增強佢免疫系統, K提醒我戴住頭罩要記住用針筒, 佢飲水唔會亂咁舂, 一D好微細嘅提點都令我銘感心中, 好感動!
仲要多謝Mi為我介紹順勢療法, 可能用得及時, 今次....好似click中!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
