因為波波戴往頭罩, 我怕唔小心會撞到達達, 如果撞正眼仔又揾嚟攪喇, 所以…波波要同老婆仔分房瞓喇 :)
今早波波眼仔已經係正常咁打開晒, 我幫佢檢查時仍見紅咗嘅眼白, 要繼續療程繼續戴頭罩!
其實要時刻戴住個頭罩真係好慘, 會防礙到佢去洗手間, 佢轉圈時成日撞到個罩, 嚇到佢唔敢尿尿喇 :(
所以我要定時幫佢除頭罩, 再放佢入洗手間, 又要定時用針筒餵水, 忙D都無法, 事關呢個仔好麻煩, 諗住除咗個罩比佢休息一陣間, 等佢自己去廁所啦...
抱起佢都未放返落地, 個頭仔已經向住我個身猛擦, 真係買佢怕!
一刻嘅自由都唔可以比到佢喇, 葉醫生話過二度創傷遺害大, 硬住心腸戴返頭罩啦!
波波眼仔受傷, 連帶影響埋達達, 夜晚瞓覺要分隔佢哋, 將達達困籠喇; 要困籠個女唔習慣, 係咁丫丫叫呀!
第一晚我係比達達上大床, 佢當然開心啦, 好乖喺我身旁瞓覺; 預計波波都仲有幾日要戴住頭罩, 如果晚晚比達達上床成為習慣, 再調較就好難, 咁佢慘時我仲慘, 都唯有將佢困籠比較好辦!
好彩隻女嘈咗半晚, 下半夜無再叫喇, 希望今晚佢會乖乖瞓覺!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
