 |
| 相片連結 |
意外真係無得小心防避, 好似命中注定要嚟就嚟, 不過正因為意外會喺無防避中到來, 更要做事小心仔細!
發生咗小小家居意外, 但我又唔認為係我嘅問題, 每個人都有本能反應, 要受傷真係無計!
兩日前教姐姐煮晚餐, 又要做示範, 當佢表示明白, 我就轉身從廚房行番出嚟, 突然聽到姐姐嘅叫聲, 回頭一望見個鑊正從爐中飛出嚟, 跌緊落地, 本能反應用雙手去接住, 咁就中招喇 :(匆忙中根本無選擇, 扶唔到個抽手扶咗落鑊中間, 乾煎咗8隻手指呀!
還好基本常識都仲有, 痛緊都仲識處理啦, 包住手指十萬個唔方便啊, 淨係電話個touch screen就用唔到啦; 經過咗兩日半殘廢, 今日好D啦, 唯一要小心唔好比細菌感染就OK喇!
前幾日睇到FDA 發布, 警告貓狗要遠離人用嘅酸痛貼布藥膏, 因為已經有致命嘅案例, 我敷咗燙火膏唔知成份會唔會影響3隻豬仔, 我都盡量減少同佢哋接觸喇!
https://www.facebook.com/Kimbao.Tseng/photos/a.118510354984361.23529.118108708357859/422092861292774/?type=1&theater
迫於無奈處理豬仔3餐只可監工, 指示姐姐去做, 每落一隻補充品都要我點頭先可已放落餐度, 一定要出手就加用兩層手套啦!
又無得去街, 不過即使手指無受傷, 呢個天氣都唔敢出去喇, 今日同佢哋從冷氣房行出廳準備食晏, 就比兩個女嚇死喇!
行出廳開冷氣未有咁快凍, 兩個女突然好似呼吸困難, 達達伸長晒脷好恐怖, 豆b就不安兩頭走猛飲水, 總之好得人怕, 無冷氣都唔係咁熱吖, 攪咩呀?
即刻餵水比達達, 豆b自己飲緊喇, 再噴Chill-Out等佢哋冷靜吓!
冷氣開始凍, 兩隻豬正常番, 不過我真係怕怕; 好似見到一個中暑嘅預警, 叫我要小心啊, 今後會預早開冷氣先放佢哋, 等佢哋唔會再經歷溫差改變咁大!
波波眼仔一路有好轉, 有時我會除咗頭罩等佢休息吓, 不過就要牛咁眼望實晒; 可能眼仔痕癢, 佢會用手卒啦, 咁就唯有即刻戴番頭罩喇!
達達毛毛都一路換緊喇, 同個多月前分別好大, 佢正常咁朝住老路行, 能夠順利踏過呢個脫毛期, 太感恩喇:)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
