點小心都係有意外發生!
今朝早一起身, 就見波波又單眼, 又無同豆b打交, 攪咩又嚟玩; 個身側住都未搵到原因, 又未攪好D咳, 整咩又再開多一瓣, 仔呀仔我一定係前世欠咗你喇!
唯有即刻戴頭罩, 照住醫生上次開嘅眼藥水, 落藥房買比佢滴啦, 無類固醇嘅眼藥可以試吓; 再比佢食埋順勢療劑, 不過對呢隻豬可能幫助唔大, 佢未必夾!
觀察住有無好轉, 希望唔使見醫生啦!
波波真係特別麻煩, 少少事都好似攞佢命啦, 兩個女明顯比佢硬朗, 好似性別掉轉咗呀, 豆b整親眼一下就好番, 呢個仔就半死咁, 我成日就比佢嚇餐飽! 今次又要佢戴頭罩, 唔使講個身仲側啦, 好似失晒平衡喇; 但我無得揀, 唔想心軟令佢眼仔變壞, 上次Y醫生話佢係自己將塊面猛向週邊擦, 先攪到咁慘, 今次我點都唔會心軟喇!
其實上次一開始我都有幫佢戴頭罩, 就係肉赤佢會唔舒服, 幫佢戴個布做嘅啦, 點知咁就衰咗, Yeh醫生話呢D款對保護眼仔無用㗎, 一樣擦到嘛!
唯有死死氣幫佢戴番喺診所買嗰D傳統款啦, 但真係重嘛, 於是開始上網大搜查, 要買番診所嗰個款, 但要輕身㗎; 又比我搵到呢個豹紋款, 正呀!
雖然係輕, 但要波波戴住都係慘, 佢無晒心機喇!
肉痛之餘, 今次我點都唔會同佢除下, 愛佢變成害佢我常常犯, 今次唔會喇!
波波你忍耐吓啦, 唔係好傷應該會好快好番卦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
