 |
即刻比順勢藥試吓, 但問題係我唔知食邊隻先啱, 係抽筋? 肌肉痛? 關節移位痛? 定係神經痛, 真係可能性有無限, 我唔知要點做先啱 :(
終於比咗止痛藥, 再加上快速救援藥試吓, 然後用熱毛巾幫佢敷咗一陣間, 本來係照紅外線, 但要命中目標有D困難; 跟住用sore no more Gelotion同佢按摩, 然後放番佢落床瞓覺, 希望休息一晚, 聽日有好轉啦!
仲有幾個月3隻豬都9歲喇, 佢哋年紀越大, 身體一定會越嚟越差, 我會面對更多困難; 今晚見波波咁我已經好心痛, 但無奈都要接受啦, 阿Q咁去諗, 生老病死呢個階段唔係必然嘅進化, 有幾多BB夭折? 又有幾多年紀輕輕就返咗老家? 可以年老, 都係一種幸福啊!
望住3隻豬仔慢慢咁年老、退化, 我唔可以話唔心痛難受啦, 但願我可以冷靜咁開始好好作出準備, 盡心盡力好好照顧佢哋, 堅強咁面對每一個變化!
今晚放咗波波落床, 我再拎起本"老犬生活指南", 睇到有好多狗狗步入晚年嘅個案, 感覺無咁徬徨孤單, 人哋可以走得過嘅路, 我都一定可以行!
書嘅封面寫住"如果有一天, 你再也走不動了, 我會一直陪著你, 一起幸福終老"
唔怪得有人話喺唔同時間睇同一本書, 領悟感受都會唔同, 我唔係第一次睇呢本書, 但今晚, 突然為咗呢幾句說話感動到喊 :')
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
