快活過神仙 (w/album)

相片連結

天氣持續咁熱, 3隻豬都無得出外, 中暑唔講得笑!
其實"有時"自己落街都唔覺得好好好熱, 碰啱有風嘅時候好有衝動帶佢地落去遊吓花園, 但一諗到冷氣間同外面溫差始終大, 就唔敢行動咁貿然; 諗起上次嗰隻中暑而亡嘅雪橇, 佢主人就出過post告誡, 氣溫相差太大係佢狗狗中暑嘅關鍵!

岩鹽燈

收到個岩鹽燈喇, 希望真係如介紹咁好啦 :)

間中都有食岩鹽, 近來一般人好似較以前注重健康, 鹽係每日煮餸都會用到嘅食材, 當然要搵隻健康之選!
我本來都唔識呢D粉紅色食鹽, 日常煮餸都係用海鹽, 不過之前店舖介紹, 我就買咗少少, 但無特別研究係咩好料 :)
講開原來V都有用呢種食鹽, 仲比我好介紹, 剛好A要從美國購物, 即刻請佢代我入貨喇, 因為香港買呢種食用岩鹽要比多D錢, 哈哈哈....

轉載插曲

發生咗一段小插曲, 朋友J在某群組見到有人post咗達達豬嘅相出嚟, 問我知唔知道；呢個係private group, 我唔係群組會員, 當然睇唔到亦唔會知道!
咁我請J同呢位朋友講聲唔好意思, 請佢deleted post, 而另一朋友見到, 仲同admin做咗舉報, 呢個係我事後先知道！

喜馬拉雅山岩鹽 (w/album)

相片連結

有幾日無updated個blog喇, 生活如常無咩特別, 最感恩係3隻豬都OK; 波波困籠休息都有好一段日子, 一直有做無針針灸同步順勢治療, 見佢係有進步好咗D; 開始減順勢療劑嘅次數, 可以放出嚟行多D喇!

2015 慶端陽 (w/album)

相片連結

又約咗A聽日去寵物展, V今日去咗, 話無咩特別, 我都應該無咩要買, 都係當行吓街; 每年都去行, 越嚟越少嘢買 :p
聽日係端午節, 早前已經出去食咗過節飯, 依家多數都唔會選正日出外晚飯, 因為好多時都會有限定菜式, 選擇有限, 有時真係好難揀!

珍惜相聚時間 (w/album)

相片連結

終於為3隻豬仔鋪好地墊,  我揀嘅係絨面, 比膠面更著力一定唔會跣; 都諗過萬一佢哋曳曳會尿尿, 所以選擇拼駁嘅地墊, 已經買多咗後備, 萬一真係整污糟咗, 都可以逐塊換出嚟洗, 好方便!

需要多D時間 (w/album)

相片連結
做完治療比波波留喺大床瞓一陣間

波波今次出事已經有3星期, 其實真正原因我唔知係乜事, Dr.Fan檢查過話反射神經無事, 覺得佢係肌肉神經發炎; 食西藥食足兩星期, Dr.Fan話食完應該無事, 但佢都係行到有D搖擺不定, 不過都算係好咗D; 咁耐以來我一直將佢困籠, 要佢完全休息, 除咗物理治療同大小二便放監一陣, 困籠咁耐佢開始發脾氣!

心痛如絞

一早餵完3隻豬, 剛返入房想再瞓一陣間, 就比工人姐姐急促敲門聲驚嚇; 然後...就見到最唔想見到嘅事實, "BROKE"佢手中拎住我心愛嘅相架!
我一望之下, 個感覺唔識形容, 好似有好多嘢一下衝咗上腦, 唔識表達嗰種激動, 好嬲、好心痛!!!!!!!

媽媽無心肝

真係該死, 又再一次忘記咗叻叻離開嘅日子 :'(
近排魂頭轉向, 比波波嘅病症攪到我無日安寧,  日日忙住為呢隻豬做物理治療, 咁叻叻嘅忌辰, 又過得無聲無息 :(
我唔係唔掛住生活喺彩虹橋上嘅五寶, 相反最近仲請咗一個店家,  好濕碎咁要求佢為我嘅寶貝做一件事!

擁有並非必然 (w/album)

相片連結

"失去實在太易, 擁有並非必然! 寶貝 媽媽一定一定好好 好好愛錫你地!"

今日喺FB睇到呢一句, 我眼眶突然一熱, 有D激動有D唏噓!
從波波今次嘅不適, 我有好多感慨, 以前見佢用後腳挍痕, 會嫌佢挍身挍勢; 舉腳尿尿, 話佢整到牆邊都有尿; 抖動身體, 就話D毛髮通屋飄, 呢一切都唔係咁like啦; 但原來當失去時, 你會好懷念呢一切一切!

出盡法寶 (w/album)

相片連結

波波好似越養越豆腐, 明明三隻豬當中佢係行得最好, V曾話過佢歩姿尤如馬匹行花歩, 有好完美嘅歩操; 波波行路一向都似一個彈跳中嘅皮球, 彈吓彈吓咁踱步, 將佢改名做波波都係based on佢嘅腳步!

機率提高

將波波困籠, 仲要獨自留房中, 除咗餵藥同做物理治療, 我會入去陪伴佢之外,  我要確保佢安安靜靜咁休息唔激動!

琴日見佢精神麻麻, 可能佢真係好痛, 最令我擔心係見佢脷仔嘅顏色都變埋, 應該係頸痛影響咗佢血液循環, 真係心痛!

今次會命中

蓋住籠頂唔好再往上望!

今日將手伸向波波佢又叫, 從見到佢側身到依家已經幾個月, 有睇醫生用西藥, 又用順勢藥再加物理治療, 但呢個仔情況總係反反覆覆, 時而似有好轉時而掂佢會叫 :(

幾個醫生都有唔同講法, 但似乎無一個比到真正有幫助嘅治療,   見佢側身一直無特別好轉, 最近仲舉唔起腳尿尿, 又偶然會痛到叫, 我個心好亂!

BETTER LATE THAN NEVER

上床做治療咋

波波已經食咗兩星期消炎同放鬆肌肉藥, D . Fan話食兩星期應該OK, 琴日我已經將藥停咗, 不過, 一停藥就覺好唔妥, 感覺佢行得梗梗,  個身又側晒, 究竟係咩事? 搵唔到原因我點去幫呀!
真係難選擇, 已經食咗成兩星期西藥, 再繼續食擔心會好似豆b咁生出腫塊,  唯有試吓轉用順勢療法加無針針炙,  依家情況唔太壞, 希望OK啦!

彩虹橋的流浪天使 -轉貼

經絡受阻(w/album, video)

相片連結

咁熱嘅天氣, 帶佢哋出去實熱死, 都係保險D留喺屋企歎冷氣; 托賴豆b都好耐無扯氣, 希望溫度控制得宜, 咁佢哋唔辛苦時, 我又唔會比佢哋嚇死!
3隻豬都好多事, 年紀越大面對越多健康問題, 我又特別緊張, 真係有苦自己知!

勤力做針灸 (w/album, video)

相片連結

呢幾日好忙, 要幫兩個女浸微泡浴, 波波又再一次要擱置, 邊敢郁動佢咁多!
兩個女浸完微泡毛毛鬆好多, 達達豬都算maintained 番full coat 囉!


雖然唔確定到成效如何, 都好勤力幫3隻豬做無針針灸術, 波波真係好番好多; 但枝針灸筆究竟有無用? 佢哋有無特別感覺? 佢又唔識同我講, 收唔到料, 奈何!
不過, 唔可以否定困籠食藥有好大幫助! 枝針灸筆我自己都有試過, 但一如過往我做咩都唔覺有效果, 波波呢樣好似我, 所以即使佢有好轉, 我唔會話全係因為呢枝筆嘅幫助, 就如Dr. Fan 所講, 唔想將佢神化咗! 
不過代理話即使無感覺, 仍然係有其效果, 希望係咁囉!