 |
| 豆b好努力吸氣 |
呢兩日真係比D網頁嘅upgrade版面玩死, 又無選擇權唔去新頁面, 我呢D電腦白痴真係想死! 好不容易先摸熟咗點去運作, 改一改就攪到我頭都大埋, 都唔知點解發佈咗嘅文章顯示唔到個標籤出嚟, 攪咗成晚都攪唔掂, 唯有投降放棄, 無奈!!!
發完一輪牢騷都要講番幾隻豬仔啦, 今年好似凍咗好耐咁, 無端端氣溫又跌番咁多, 都唔敢出去行街街喇; 松鼠狗氣管較弱, 醫生都叮囑小心佢哋吸入咗冷空氣, 好容易有上呼吸道問題,處理唔好就會引發氣管炎喇, 只好比佢哋冬眠啦, 真係瞓飽就食, 食飽又瞓, 咁都好嘅, 睡眠對佢哋健康好重要嘅!
豆b氣管真係好敏感, 氣溫一下降佢就有即時反應, 即使我好警覺咁開住暖爐, 佢都有少少鼻水, 呼吸都有D嚮聲添; 今日再用霧化器, 加蒸漏水同佢舒緩吓症狀; 睇得出佢好enjoy呢幾分鐘療程嘅, 因為佢有鼻水, 我比佢近D距離聞氣, 等佢鼻仔唔好塞住, 咁就舒服好多啦!
我覺得用呢個霧化器真係唔錯, 只要喺症狀尚未嚴重時及時幫吓佢, 等症狀緩和落嚟, 就唔駛用到藥物治療啦, 咁對健康傷害都無咁大, 畢竟時常靠藥物去控制都唔係咁好嘛!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
