豆: 張床好舒服喎, 坐吓先!
琴日剪完毛同幾隻豬仔影咗幾張相, 睇睇吓發覺可以做個連環圖, 都唔算係憑空捏造架, 其實都係因應佢哋性格去編輯嘅!
豆豆性格太好奇(係8婆仔), 乜嘢都有興趣, 無論乜嘢都爭咗先, 永無執輸; 佢總係覺得隔離飯焦香, 鍾意霸咗狗哋D嘢, 據為己用, 所以達達唔鍾意佢嘅; 不過佢性格非常可愛, 就係唔小器, 無論佢覺得幾唔開心, 過咗去佢就唔記得喇, 所以成日笑口常開!
達達好高傲, 佢唔係好合群, 唔鍾意同其他狗狗玩, 但上天安排比佢遇到波波, 佢哋非常合拍; 無論乜嘢佢都願意讓比波波, 任何狗狗埋波波身邊佢都會唔開心嘅; 豆豆嚟咗同波波一齊住, 一齊玩, 佢心情自然唔好, 好妒忌, 所以佢唔鍾意豆豆嘅!
三隻豬仔裏面, 波波係最先跟我嘅, 佢3個月就番嚟, 所以我最錫佢; 唔好話我偏心, 感情呢樣嘢, 從來都唔係可以由你控制, 去付出幾多, 係無得計算公平嘅! 物質上我一定一視同仁, 無分彼此, 但感情上就會自然偏向波波喇!或者我太寵佢, 波波係有少爺仔性格嘅, 好容易唔開心, 稍為大聲話佢我都唔敢, 怕咗佢悶不作聲縮埋一角嘔氣 ;不過呢隻豬仔好斯文, 好守規舉, 係一個好乖嘅小朋友, 所以自然又會錫佢多D!
狗狗同人都一樣, 完全有唔同性格, 相信有養狗狗嘅一定同意; 同佢哋相處耐咗, 就會從佢哋行為知道佢哋想表達乜嘢, 其實真係好有趣!
|
