 |
| 出發!! |
今朝一早就聽到豆b乞嗤乞嗤喇, 佢真係仲勁過天文台, 每逢天氣有轉變, 不論係氣溫, 濕度, 佢都會用乞嗤第一時間話我知; 敏感呢樣嘢就係麻煩, 煩在無法根治!
今日中午出咗去一陣, 一出去就會攪到好似好忙咁!
依家每次出去都係來去匆匆, 要趕住番嚟同3隻豬仔散步, 又要準備佢哋嘅晚餐; 一般我只會喺佢哋食完午餐先出去, 又要晚餐前趕番嚟, 朋友們都知我好似唔可以行開多一陣, 連帶親友今次喺加拿大番嚟, 明日嘅約會都要嚟我屋企附近, 諗諗下都覺得自己緊張到有D過份!
晏咗同3隻豬仔出去, 波波同豆b完全無意欲自己落地行, 只坐喺車上兩頭望; 得達達好心急喺度猛抓要落地, 或者佢喺屋企行得太少, 出到街要行番夠本啦; 除非天氣太凍太壞, 唔係都唔想令佢失望, 就算今日只可以行得一陣, 都叫做還咗佢嘅心願, 隻豬女都好開心!
適量嘅運動對關節, 心理都有正面幫助, 波波同豆b都唔可以偷懶, 今日我都要佢哋行咗一陣, 不過後來風越嚟越大, 行咗一陣就算喇; 明日話會仲凍, 今年天氣成日又冷又熱, 一不留神真係好容易冷親!
 |
| 行得好叻叻喇! |
 |
| 達達好開心! |
 |
| 兩隻懶惰豬! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
