因為豆b比較怕凍, 今日開始試吓加少少薑茸落佢兜肉肉度, 睇吓效果如何; 為怕佢唔鍾意嗰種味度, 所以灑咗D黑芝麻粉撈勻; 隻豬豆一D都唔抗拒, 照單全收; 希望加咗呢個配料, 真係可以幫到佢衡氣活血, 唔駛成日都要著住件衫啦!
呢幾日開始有比隻豬豆上床玩吓, 有時見到佢企喺地下望住波波同達達玩耍, 一副渴望參與嘅表情, 我個心就好不忍; 不過隻衰豬過去總係唔爭氣, 毫無先兆就突然尿床, 我真係怕鬼咗佢; 但既然達達都學識尿尿時會比signal我, 希望豆b都聽教聽話, 學識唔再喺床上尿尿啦!
今晚又放咗3隻豬仔上床, 等佢哋玩一陣; 唔知點解佢哋都好鍾意上我張床, 喺床上仲特別友愛添!
可能達達受藥物影晌, 佢玩咗一陣就眼瞓; 但隻仔又好似撻著咗個摩打, 玩到唔肯停, 好彩有隻豆陪佢癲吓啫!
豆豆同最初嚟我度時真係有好大分別, 以前佢好似唔識點樣去玩, 淨係兩頭舂, 依家就唔同晒, 活躍程度比波波更甚!
終於, 3隻小豬都叫做心無戒締, 可以算係相處融洽喇; 雖然兩隻豬女都未可以做到相親相愛, 仲係常常吵吵鬧鬧, 但一家(人)相處就係咁架啦; 有時見佢哋撞嚟撞去,咿咿哦哦 , 就覺得好好笑, 幾隻豬仔真係令到我哋好開心!
可能達達受藥物影晌, 佢玩咗一陣就眼瞓; 但隻仔又好似撻著咗個摩打, 玩到唔肯停, 好彩有隻豆陪佢癲吓啫!
豆豆同最初嚟我度時真係有好大分別, 以前佢好似唔識點樣去玩, 淨係兩頭舂, 依家就唔同晒, 活躍程度比波波更甚!
終於, 3隻小豬都叫做心無戒締, 可以算係相處融洽喇; 雖然兩隻豬女都未可以做到相親相愛, 仲係常常吵吵鬧鬧, 但一家(人)相處就係咁架啦; 有時見佢哋撞嚟撞去,咿咿哦哦 , 就覺得好好笑, 幾隻豬仔真係令到我哋好開心!
 |
| 感情深厚嘅一對好伴侶 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
