 |
| ３隻爛瞓豬仔！ |
今日又同3隻豬仔出遊, 達達豬除咗D毛毛唔聽話外, 其他真係越嚟越好! 諗番初時帶佢出去, 一放佢落地就坐低, 跟住嘗試用零食誘導, 佢都只係可以學行一, 兩步; 慢慢佢信心漸強, 行得都算好好, 當然同一般狗狗相比, 佢仍然有空間進步; 今日同佢散步途中, 遇到隻西施過嚟同佢表示友好, 點知隻豬女出番辣妹嘅態度, 對住狗哋又吠又跳, 真係好耐都無見到! 雖然我知咁樣係唔好, 但比較起初期有狗狗聞佢, 佢都只係頭沓沓唔敢面對, 又好開心佢再進咗一步!
 |
| 人哋主人都抱起咗隻狗狗, 佢都仲要鬧人！ |
 |
| 達達豬一路都行得好開心！ |
波波一貫少爺脾氣真係好麻煩, 拖佢行時就最難; 要哄佢行又要留意週圍動態, 為嘅都係唔想佢又吠又撲, 整到條腰骨仔傷晒! 今日路上狗狗又多, 佢緊張時我仲辛苦, 每每見佢凝神屏氣, 就知附近又有狗狗, 係佢未發難之前, 就要將佢抱番上手; 唯有自己小心睇緊D, 點都唔可以為咗咁, 就剝削咗佢出外嘅樂趣!
 |
| 睇佢個招積樣就知幾難服侍！ |
 |
| 一睇佢咁就知有狗狗喺左近！ |
豆b今日都算肯配合, 一路行得幾開心, 不過呢隻豬女都好有性格, 佢要唔行就點都唔會再行, 任我出動佢最鍾意嘅零食誘惑, 佢食完都係黐埋架車, 一於死賴!
今日睇住佢好神氣咁向前跑, 覺得佢真係靚咗好多, 真係不枉我為佢用咁多時間同耐心, 只要持之以恆, 每隻狗狗都可以好靚好開心!
 |
| 話咗唔行, 係要上車！ |
 |
| 豆豆豬好靚女呀！ |
跟住例牌歸家食晚餐, 清潔完就上床訓覺; 今日約咗出去拎寵物補充品OPC, 期望達達食咗毛毛會快D更新; 今次我對佢甩毛無上次咁擔心, 好似有信心佢只係季節性候群, 應該過多兩,三個月, 毛毛會從生就如上次咁!
 |
| 拎咗番嚟喇, 希望有好嘅效果啦！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
