灰濛濛嘅天氣, 攪到做乜嘢都提唔起勁; 天氣真係好影嚮人嘅情緒, 還好狗狗無被影嚮, 佢地要求好直接, 簡單, 總之食飽就瞓, 玩, 有人錫錫, 就乜都唔駛諗.
本來形容一個人頭腦簡單係一個貶義詞, 但套用落幾隻豬仔身上, 都係一種幸福!
達達可能係有食藥, 加上有服補充品嘅關係, 今次佢甩毛進展得好緩慢, 雖然明顯係無任何改進, 但望落都無去年咁令人頹喪; 希望只係時間關係, 再暖D會有好轉啦!
外用方面, 去年開始用dermagic shampoo + conditioner同佢沖涼, 其實都唔知有無幫助, 不過只有呢隻產品, 強調對脫毛症有效, 反正都係用天然材料製做, 唯有繼續用落去啦!
最可惜係香港無得出售, 每次都要從美國郵購, 有時會覺得花咁貴郵費有D肉赤, 不過當係買一個希望, 都係值得嘅!
今個月有親人從加拿大回港, 可以幫我帶一set番嚟, 又慳番幾佰郵費喇, 真好!
波波無去幾日街, 唔知係咪無釋放到壓力, 脾氣好躁! 呢隻仔真係最難服侍, 天氣預告過兩日會回暖, 要帶佢出去比佢跑餐飽先得喇!
豆b琴日聞咗氣, 今日無鼻水兼呼吸都好平穩喇, 晏D比佢再聞多次啦; 有呢個毛病嘅狗狗, 我會推介佢嘗試, 唔麻煩又唔駛用藥, 真係幾好!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
