 |
| 再咁樣佢下次一定遇到 :D |
今日同D豬仔出去散步, 遇到個衰人!
今日如常咁拖住波波向前行, 通常都係我行前面, 工人姐姐推住車仔殿後, 由佢負責話比我知, 背後有無狗狗嚟緊, 所以我無留心身後有呢幾個人; 點知突然有個女人, 從後面行埋波波身邊, 伸起隻腳就撩向波波, 當時波波震咗一震, 我見到真係好唔開心; 唔好話用隻著住鞋嘅腳咁逗佢下巴, 就算無啦啦突然伸隻手埋嚟, 我都會覺得好迄突, 你就話見佢得意先玩吓嗟, 但咁會令到我D仔女好唔開心!
我即刻抱起波波, 但個仔已經大聲對住佢吠, 呢個人仲話波波咁惡咁曳, 佢真係好乞我憎; 本來佢唔出聲, 我都抱起波波算數, 佢仲要出言無禮, 我就火都出嚟; 呢D基本禮貌, 應該識互相尊重, 我話佢唔啱在先, 點會反而去怪狗狗對住你吠; 大家三唔識七, 你做乜突然伸隻腳撩埋嚟!
所以有時聽聞狗狗咬人, 都請先自我檢討, 係你忽略咗對狗狗表示友好應有嘅態度!
佢同行朋友察覺氣氛唔好, 做好做醜拉住佢走, 一路話佢咁會嚇親狗狗, 狗狗唔知佢想點梗係會嘈!
真係好憎呢種人, 唔係咩嘢都可以比你亂摸亂逗, 基本尊重都要先問吓人嘛; 今日真唔好彩, 比呢個人破壞晒本來好好嘅散步氣氛!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
