 |
| 好好陽光呀! |
今日天氣回暖, 雖然潮濕又大霧, 但幸好陽光唔錯! 把緊機會, 同3隻豬仔出去行吓, 天氣預告又話下週轉涼, 近來天氣咁反覆, 再唔出動都唔知要等幾耐喇!
今日拎條拖帶出黎, 波波即刻走入床仔匿埋, 可能上次翻咗幾個跟斗, 有D陰影, 今日由得佢唔上繩啦, 遊下車河, 晒下太陽都唔錯喇!
呢隻仔真係好麻煩, 以前佢都只係坐喺車上, 見到細路同狗狗先會吠, 依家都唔知點解, 見親人都吠添; 就算我買佢怕抱實佢, 佢都照吠! 我反反覆覆用過咁多方法都唔可行, 依家仲要就住佢嘅骨刺, 醫生又叫唔好比佢激動, 見到其他狗狗要抱起佢先最正路; 唔好話要阻截佢開口吠, 依家連正向訓練我都唔敢做, 都唔知再要點教先好 :(
希望係近日少咗落街, 佢先咁反常, 習慣番就好!
反而達達豬近來好主動, 見到條拖帶佢好開心, 會行埋嚟比我上繩, 仲好合作企定定比我噴防虫噴霧; 今日佢表現好好, 步伐穩定, 見到陌生人摸佢, 都無反感; 可能嗰個姐姐識蹲低身先摸佢, 而且好輕好溫柔; 一般人高高再上, 彎低身伸手出嚟, 就會做成隻豬女好大壓力喇!
今日帶豆b出去, 起初都同佢披番件衫架, 不過落到街真係好熱, 同佢除咗衫後佢好輕鬆; 反正晒住太陽, 都應該唔會凍!
今日太陽幾好, 3隻豬仔都做咗個健康嘅日光浴!
同佢哋喺街上逗留咗大概一個鐘, 又要返屋企準備佢哋嘅晚餐喇!
我發覺佢哋去完街街心情真係好唔同, 尤其達達最為明顯, 行為舉動都較為活潑, 希望未來多D陽光普照嘅日子, 唔好再咁凍啦!
 |
| 晒太陽中! |
 |
| 達達好享受出外跑步! |
 |
| 去完街街零舍開心! |
 |
| 聽到咩聲咁緊張呀? |
 |
| 原來係準備晚餐嘅聲音, 快D食啦! |
 |
| 好味呀! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
