近來差不多每一個月都寫一篇悼文, 去懷念我過咗身嘅狗狗, 6月叻叻, 8月bebe同樂樂, 9月係安安, 10月嘅今日就係精精第3年嘅忌辰!
我真係好怕回想番呢D過去!
我每次想起精精, 我都覺得心中有愧, 佢係唯一嘅一隻狗狗, 選擇咗深宵中獨自離開!
我一直都好後悔, 我每一隻狗狗要走, 我都有陪伴左右, 我希望佢哋安心上路, 唔好驚!
只有精精, 我無守候住佢通宵達旦, 點解我無陪住佢, 安慰佢, 一直到佢離開, 難道我同佢嘅緣份真係咁淺薄?
朋友話精精最貼心最懂性, 佢唔想我難過, 正如佢一貫作風, 佢唔想帶比我麻煩！
睇過一篇文章, 佢話緣份係有限期, 每一段緣份都係上天借比我哋 , 衹要在擁有時 ,有真心去珍惜過 , 咁即使限期到咗 , 都可以輕鬆無悔 !
我有無珍惜過同精精嘅緣份? 問心我覺得我對佢無對其他狗狗咁細心, 就因為精精係一個安靜嘅個體, 成日無聲無息咁待在一角, 令到我好多時都會忽略咗佢嘅存在!
人就係咁奇怪, 每每要事情過咗去, 再回望, 先睇到失去咗有幾多!
精精走咗3年喇, 希望佢奔向自由自在嘅生活, 係彩虹橋上活得多姿多彩!
媽媽答應你, 他日我哋再重遇, 媽媽一定會對你加倍補償!多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
只能想念你(Miss you forever)
作詞：蔡健雅
作曲：蔡健雅
愛 失去的愛 討不回來
我還有話想對你說
捨不得說 來不及說
離別的話最難說出口
你會找到新的生活
我會收起我的難過
相信一切都是值得
就放心去吧
祝你幸福和快樂 自由的飛
有天使在你身旁
就放心走吧
除了記得你燦爛笑容聲音以外
只能想念你 想念你 想念你
